Nepal's No.1 Filmy Web Magazine

गत बैशाखपछि फिल्म क्षेत्रमा एकखालको निराशा छाएको थियो । किनकि, एकपछि अर्को आशातित फिल्मले अपेक्षित व्यापार गर्न सकेका थिएनन् । गत साउन २३ गतेबाट प्रदर्शन भएको फिल्म ‘मोहर’ले भने केही आशा जगायो । यसले प्रदर्शनको दुई साता सुखद व्यापार गरेको थियो । तेस्रो हप्ताको शनिबारसम्म चार करोड ग्रस कमाइ गर्दै यो फिल्म वर्षको ‘दोस्रो हिट’ बनिसकेको छ ।

भारतीय अभिनेता गोविन्दा र उनकी श्रीमती सुनिता आहूजाको सम्बन्ध धरापमा रहेको चर्चा चल्न थालेको महिनौं भइसकेको छ । हालै सुनिताले आफ्नो एक भ्लगमा पनि गोविन्दासँग सम्बन्ध राम्रो नरहेको संकेत गरेकी थिइन् । भारतीय मिडियाका अनुसार उनले गोविन्दाबाट अलग हुने निर्णय गरिसकेकी छन् । त्यसका लागि उनले अदालतमा डिभोर्सको मुद्धा समेत दर्ता गरिसकेको चर्चा छ ।

नेपालको दोस्रो ठूलो मल्टीप्लेक्स चेन आईएनआई सिनेमाजले काठमाडौंको जमलस्थित विश्वज्योति सिनेप्लेक्सको व्यवस्थापनको जिम्मा लिएको छ । योसँगै आईएनआईको हल संख्या ५ पुगेको छ । यो चेनले यसअघि काठमाडौं उपत्यकाभित्र दुई र उपत्यकाबाहिर बुटवल र सिमरामा गरी दुईवटा मल्टीप्लेक्स सञ्चालन गर्दै आएको छ ।

निर्देशक लक्ष्मण रिजाल ८ वर्षपछि फिल्म निर्देशनमा फर्किएका छन् । उनको निर्देशनमा बन्न लागेको नयाँ फिल्म ‘काजी’को शुक्रबार दक्षिणकाली मन्दिरमा क्यामेरा तथा स्क्रिप्ट पूजा गर्दै शुभ मुहूर्त गरिएको छ । मुहूर्तसँगै फिल्मको टिम छायांकनका लागि स्याङ्जातर्फ प्रस्थान गरेको छ । आइतबारबाट फिल्मको छायांकन सुरु गरिँदैछ ।

यसपालिको दशैंको फूलपातीमा प्रदर्शन हुन लागेका तीन फिल्ममध्येको एक ‘माइतीघर’ले प्रचार अभियानलाई तीव्रता दिइरहँदा आगामी साता पहिलो गीतको रूपमा ‘वसन्त नै बस्न खोज्छ यहाँ लोलाएर’ सार्वजनिक गरिँदैछ । केही दिनअघि मात्र यो गीतको छायांकन सकिएको हो । निर्माता रोहित अधिकारीको दाबी अनुसार गीतको भिडियो तयार पार्न लगभग ५० लाख खर्च भएको छ ।

असार र साउनमा फिल्म रिलिजको चाप निकै न्यून रह्यो । यो दुई महिनामा जम्मा चार फिल्म रिलिज भए । भदौमा भने फिल्म रिलिजको चाप ठूलो छ । यो महिना आठवटा फिल्म आउँदैछन् । त्यसमध्येका तीन फिल्म ‘माग्ने राजा’, ‘जनै हराएको मान्छे’ र ‘ताराहरू’ शुक्रबारदेखि प्रदर्शनमा आएका छन् । फरक विधा र स्वादका यी तीन फिल्ममा स्थापित कलाकारहरूको अभिनय छ ।