Nepal's No.1 Filmy Web Magazine
गत जेठ २२ गतेबाट छायांकनमा रहेको फिल्म ‘द ब्लू लाइट’को फर्स्टलुक पोस्टर सार्वजनिक गरिएको छ । पोस्टरमा फिल्मकी मुख्य अभिनेत्री बेनिशा हमाल मात्र चित्रित छन् । बारमा निराश मुद्रामा देखिएकी उनको औंलामा सल्किरहेको चुरोट र छेवैमा टकिला सटको गिलास छ । उनी कुनै पीडा भुलाउन बार पुगेको अनुमान पोस्टरबाट गर्न सकिन्छ ।
लक्ष्मण सुनारको निर्देशनमा बनेको मल्टीस्टारर फिल्म ‘कल्ली’को एकपटक फेरि प्रदर्शन मिति हेरफेर भएको छ । फिल्मको घोषणा हुँदा गत वर्षको चैत २९ गतेलाई प्रदर्शन मिति तोकिएको थियो । तर, छायांकनमा जान ढिलाइ भएपछि आगामी कात्तिक २१ गतेलाई नयाँ प्रदर्शन मिति तय गरियो । अब उक्त मितिबाट फिल्मलाई तीन महिना पछाडि सार्दै फागुन १ गते पुर्याइएको छ ।
नेपालमा बेला-बखतमा चर्चाको विषय बन्ने गरेको कूटनीतिक राहदानी अर्थात् रातो पासपोर्ट नाममा फिल्म निर्माण हुने भएको छ । सिमसोन तामाङको निर्देशनमा बन्न लागेको ‘रातो पासपोर्ट’को आइतबार थिम पोस्टर सार्वजनिक गर्दै निर्माण घोषणा गरियो । युरोपका देशहरूको नागरिकता (रातो पासपोर्ट) प्राप्त गर्न नेपालीहरूले गर्ने संघर्षको कथामा फिल्म आधारित हुने जनाइएको छ ।
अभिनेता सुशील श्रेष्ठ र अभिनेत्री अञ्जना बराइलीले पहिलो पटक सहकार्य गरेको फिल्म ‘परिवर्तन’को छायांकन सुरु भएको छ । शनिबार झापा चारआलीस्थित पाथीभरा मन्दिरमा विशेष पूजा-अर्चना गर्दै फिल्मको छायांकन थालिएको हो । मुहूर्त समारोहमा सुशील र अञ्जनाले पहिलो सट दिएका थिए । ४० दिनका सेड्युलमा फिल्मको झापा, विराटनगर र इलाममा छायांकन गरिनेछ ।
आगामी दशैंको फूलपाती अर्थात् असोज १३ गतेबाट प्रदर्शनमा आउन लागेको फिल्म ‘बलिदान’का मुख्य अभिनेता सौगात मल्लको क्यारेक्टर लुक्स सार्वजनिक गरिएको छ । शनिबार सार्वजनिक दुई पोस्टरमा उनी सशक्त र रहस्यमय अवतारमा देखिएका छन् । उनको शरीर बलिष्ठ देखिन्छ भने दाह्री र कपाल लामो छ । दुवै पोस्टरमा उनको अनुहारमा रिसको आवेग देख्न सकिन्छ ।
आगामी असार २७ गतेबाट प्रदर्शनमा आउने तयारीमा रहेको फिल्म ‘यो मन त मेरो नेपाली हो’को टिजर सार्वजनिक गरिएको छ । १ मिनेट ३४ सेकेण्ड लम्बाइको टिजरले फिल्मको कथावस्तुबारे प्रकाश पारेको छ । भुटानी शासकबाट लखेटिएका भुटानीको पीडा र नेपालको धर्म-संस्कृतिमाथि भइरहेको आक्रमणलाई फिल्मले मुख्य कथावस्तु बनाएको टिजरबाट बुझ्न सकिन्छ ।
