Nepal's No.1 Filmy Web Magazine

अभिनेत्री मनिषा कोइरालाले सरकारको कार्यशैलीको विरोधमा युवाहरुले चर्काएको आन्दोलनको समय ठिक नभएको बताएकी छन् । उनले शनिवार नयाँ नक्सालाई आधिकारिकता दिन संसद भवनमा संविधान संशोधन गर्न लागिएकाले आजका दिन सरकार विरोधी प्रदर्शन गर्नु ठिक नहुने उनको भनाई छ । यो आग्रह अन्य सेलिव्रेटीहरुले गरे पनि प्रदर्शन भने रोकिएको छैन ।

कोरोना भाइरसका कारण तीन महिनाभन्दा लामो समयदेखि जारी लकडाउन बिहीवारबाट केही खुकुलो बनाइएको छ । तीन चरणमा लकडाउन खोल्ने योजनासहित सरकारले विभिन्न २१ वटा क्षेत्र खोल्ने निर्णय गरेको छ । तर, मनोरञ्जन क्षेत्र पुनःसञ्चालनका लागि अनुमति दिइएको छैन । भीडभाड हुने क्षेत्र भएकाले लकडाउनको अन्तिम चरणमा मात्र मनोरञ्जन क्षेत्र खुल्नेछ ।

कोरोना भाइरसबाट बच्न सरकारले लकडाउनको घोषणा गरेपछि थुप्रै फिल्मको प्रदर्शन अनिश्चितकालका लागि रोकिएको छ । प्रचार-प्रसार समेत गरिसकेका फिल्मको प्रदर्शन रोकिँदा निर्मातालाई लाखौं क्षति भएको छ । अझै फिल्म प्रदर्शनको वातावरण कहिले बन्छ, टुंगो छैन । सरकारले लकडाउन खुलाए पनि ६ महिनासम्म हलमा नयाँ फिल्म प्रदर्शन हुने सम्भावना न्यून छ ।