Nepal's No.1 Filmy Web Magazine
अर्जुन कपूर र परिणीति चोपडा अभिनीत फिल्म ‘सन्दिप और पिंकी फरार’ को दोस्रो ट्रेलर सार्वजनिक भएको छ । १ मिनेट ४६ सेकेण्डको ट्रेलरमा फिल्मको मूल द्वन्द्व प्रस्ट्याइएको छैन । अर्जुन र परिणीतिको भेट भएपछि आउने उतार-चढावमा फिल्म केन्द्रित रहेको ट्रेलरबाट बुझ्न सकिन्छ । यशराज फिल्मस्को ब्यानरमा बनेको फिल्म यही १९ मार्चबाट प्रदर्शनमा आउँदैछ ।
कोरोना महामारीभन्दा अगाडि कलाकार छनोटका लागि विरलै अडिसनहरु हुने गरेका थिए । कोरोनाका कारण ९ महिना लामो वनबासपछि भने निर्माणको तयारीमा रहेका प्रायः फिल्मले अडिसन गरिरहेका छन् । फिल्ममा प्रवेश गर्न चाहनेहरुका लागि अडिसन राम्रो प्लेटफर्म मानिन्छ । तर, अडिसनबाट राम्रालाई भन्दा हाम्रालाई छान्ने गरिएको गुनासाहरु पनि सुनिँदै आएको छ ।
अभिनयमा पारंगत मानिने अभिनेता नाजिर हुसेन नयाँ फिल्ममा आबद्ध भएका छन् । ‘क्याप्टेन’ फेम्ड निर्देशक दिवाकर भट्टराईको निर्माण र निर्देशनमा बन्न लागेको लभस्टोरी फिल्म ‘तिमीसँगै हुने मन छ’ मा उनी अनुबन्ध भएका हुन् । केही दिनअघि निर्माण टिमले उनीसँग कागजी सम्झौता गरेको हो । फिल्ममा नाजिरको भूमिका सशक्त रहेको निर्देशक भट्टराईले जानकारी दिए ।
नेपाली फिल्मका अघिल्लो पुस्ताका कलाकारहरु फिल्म निर्माणमा होमिने क्रम बढ्दो छ । करिश्मा मानन्धर, भुवन केसी, निखिल उप्रेती, विराज भट्ट, शिव श्रेष्ठ, आर्यन सिग्देल लगायतले फिल्म निर्माणमा हात हालिसकेका छन् । तर, अभिनयमा झैँ फिल्म निर्माणमा सफलता थोरैले पाएका छन् । अब एक समयका चर्चित अभिनेता धिरेन शाक्यले पनि फिल्म निर्माण गर्ने भएका छन् ।
मधेशमा व्याप्त दाइजो प्रथाको कथामा आधारित भएर निर्माण भएको मैथिली फिल्म ‘राज्जा रानी’ ले साइनसिने फिल्म फेस्टिभलमा महत्त्वपूर्ण दुई विधामा अन्तर्राष्ट्रिय अवार्ड प्राप्त गरेको छ । भारत, बिहारको मुजफरपुरमा मार्च ५ देखि ७ सम्म भएको फेस्टिभलको अन्तिम दिन फिल्मलाई उत्कृष्ट रिजनल फिचर फिल्म र उत्कृष्ट खलपात्रको विधामा अवार्ड प्रदान गरिएको हो ।
अभिनेता अनमोल केसी र अभिनेत्री सुहाना थापा अभिनीत फिल्म ‘ए मेरो हजुर ४’ को प्रदर्शन मिति घोषणा गरिएको छ । यही फागुन २७ गतेबाट बाँकी छायांकन सुरु गर्न लागेको निर्माण टिमले सोमवार एक पोस्टर सार्वजनिक गर्दै आउँदो भदौ १८ गतेलाई प्रदर्शन मिति घोषणा गरेको हो । महिलाहरुको महान पर्व हरितालिका तीजको छेकोमा फिल्म प्रदर्शनमा आउन लागेको हो ।
