Nepal's No.1 Filmy Web Magazine

अभिनेत्री केकी अधिकारीले फिल्म ‘बोक्सीको घर’ का लागि कपाल मुण्डन गरेकी छन् । उनको यो लुक्सले धेरैलाई आकर्षित गरेको छ ।

अभिनेता अक्षय कुमार र अभिनेत्री कैटरीना कैफ स्टारर कप ड्रामा ‘सूर्यवंशी’ को प्रदर्शन मिति घोषणा गरिएको छ । रोहित सेट्टीले आइतवार आफ्नो ४८औं जन्मदिनको अवसर पारेर ३० अप्रिल (बैशाख १७) लाई फिल्मको रिलिज घोषणा गरेका हुन् । यो फिल्म २०२० को मार्च २४ मा रिलिज हुँदै थियो । तर, कोरोनाका कारण अन्तिम समयमा फिल्मको प्रदर्शन मिति स्थगन गरिएको थियो ।

कुनै समय बलिउडमा एकछत्र राज गरेकी अभिनेत्री मनीषा कोइरालाले केही दिन अगाडि एक अन्तर्वार्तामा भनेकी थिइन्, ‘म पपुलर छु, मेरा धेरै फ्यान छन् भन्नु भ्रम मात्र हो ।’ यो उनी स्वयंले भोगेको अनुभव हो । करिअरको उत्कर्षमा रहँदा उनका अगाडि पछाडि दौडिने धेरै थिए । तर, क्यान्सरका कारण जीवन र मृत्युसँग लडिरहँदा उनलाई साथ दिने परिवारका सदस्य मात्रै थिए ।

एक समय नेपाली फिल्म क्षेत्रमा आफ्नो बलियो प्रभुत्व जमाएकी अभिनेत्री विपना थापा करीब एक दशकदेखि सक्रिय अभिनय जीवनबाट टाढा छिन् । भारतीय मुलका व्यक्तिसँग विवाह गरेपछि नेपाली फिल्मसँग दूरी बनाएकी उनी नेपाल भने आइरहेकी हुन्छिन् । एक छोराकी आमा समेत भइसकेकी उनी यसै साता नेफ्टा फिल्म अवार्डमा सहभागी हुन नेपाल आएकी थिइन् ।

चलचित्र प्राविधिक संघको आयोजनामा १०औं नेफ्टा अवार्ड सम्पन्न भएको छ । शनिवार पाँचतारे होटल सोल्टीमा आयोजित अवार्ड समारोहमा फिल्म ‘छक्का पञ्जा ३ र प्रसाद’ ले महत्त्वपूर्ण ६/६ विधामा अवार्ड जित्न सफल भए ।

कुनै पनि फिल्मको सिक्वेल वा सिरिज किन बनाइन्छ ? यसको एउटै उद्देश्य हो- व्यापारिक । हिट भइसकेका फिल्मको ब्रान्ड बेच्न सजिलो हुने भएकाले निर्माताहरु नयाँ नाममा फिल्म बनाएर जोखिम उठाउन चाहँदैनन् । त्यसैले विश्व फिल्म उद्योगमा नै यतिबेला हिट फिल्मको सिक्वेल वा सिरिज बनाउने होडबाजी चलेको छ । यसबाट नेपाली फिल्म क्षेत्र कसरी अछुतो रहन सक्थ्यो र !