Nepal's No.1 Filmy Web Magazine
सन् २०१६ देखि नेपालमा ओटीटीको संस्कार बसाउन सुरु भएको ‘सिनेमा घर’ एप अब नयाँ संस्करणमा आएको छ । थ्री सिक्स्टी वन डिग्री मिडियाले विभिन्न नयाँ फिचरहरुको साथमा ‘सिनेमा घर’ को अपडेटेड भर्सन ‘सिनेमा घर गोल्ड’ सार्वजनिक गरेको छ । अंग्रेजी नयाँ वर्षको अवसर पारेर शुक्रवार राजधानीमा एक कार्यक्रमका बीच यसको औपचारिक रुपमा सार्वजनिक गरिएको हो ।
कोरोना महामारीअघि सिनेमा हलमा प्रत्येक हप्ता नयाँ फिल्म टुट्दैन थिए । दुईभन्दा बढी फिल्म एकसाथ प्रदर्शनमा नआएको सम्भवतः कुनै हप्ता हुँदैन थियो । तर, कोभिडका कारण ९ महिना बन्द भएर पुष १० गतेबाट खुलेको सिनेमा हलमा नयाँ फिल्मको खडेरी लागेको छ । तत्काल निर्माताहरु नयाँ फिल्म प्रदर्शन गर्न तयार नहुँदा हल सञ्चालक पुरानै फिल्म चलाउन बाध्य छन् ।
अभिनेता अनमोल केसी अभिनीत फिल्मबाट प्रायः नयाँ अनुहारले अभिनेत्री बन्ने अवसर पाउने गरेका छन् । प्रकृति श्रेष्ठ, आना शर्मा, सृष्टि श्रेष्ठ, साम्राज्ञी आरएल शाह, अदिती बुढाथोकी, उपासना सिंह ठकुरी र सुहाना थापा, उनी अभिनीत फिल्मले जन्माएका अभिनेत्री हुन् । उनको जोडी बनेका एकाधबाहेक प्रायः अभिनेत्रीले नेपाली फिल्ममा आफ्नो बलियो उपस्थिति जनाएका छन् ।
अंग्रेजी नयाँ वर्ष २०२१ को अवसर पारेर भर्सटायल अभिनेत्रीको रुपमा परिचित ऋचा शर्माले नयाँ फिल्मको निर्माण घोषणा गरेकी छन् । शुक्रवार सामाजिक सञ्जाल फेसबुकमा फिल्मको एक थिम पोस्टर सार्वजनिक गर्दै उनले ‘कौसीद’ नाममा फिल्म बनाउन लागेको जानकारी दिएकी हुन् । पोस्टर हेर्दा फिल्मले बैंकबाट ऋण लिने मानिसको कथा वाचन गर्ने अनुमान गर्न सकिन्छ ।
९ महिनादेखि बन्द रहेको सिनेमा हल पुष १० गतेबाट सञ्चालनमा आएका छन् । तर, निर्माताहरु नयाँ फिल्म प्रदर्शन गर्न तयार नहुँदा हल सञ्चालकहरु पुरानै फिल्म चलाउन बाध्य छन् । आउँदो माघे संक्रान्तिबाट भने सिनेमा हलमा दर्शकले नयाँ फिल्म हेर्न पाउने भएका छन् । शिव श्रेष्ठ प्रस्तुतकर्ता रहेको फिल्म ‘एउटा यस्तो प्रेम कहानी’ माघ १ गतेबाट प्रदर्शनमा आउने भएको छ ।
