Nepal's No.1 Filmy Web Magazine

यतिबेला ओटीटी प्लेटफर्म सिनेमा हलको विकल्प बनेको छ । कोरोनाका कारण हलहरु बन्द भएपछि दर्शकहरुले घरमै बसेर विश्वका फिल्म ओटीटी प्लेटफर्ममा हेरे । सिनेमा हल खुल्ने अनिश्चित हुँदा हलिउड र बलिउडका ठूला फिल्महरु सिधै ओटीटीमा रिलिज भए भने लकडाउनमा ‘कोपिला, हिरो रिर्टन्स’ जस्ता नेपाली फिल्महरुले पनि रिलिजका लागि डिजिटल प्लेटफर्म रोजे ।

अभिनेत्री उपासना सिंह ठकुरीले विदेशी भूमिमा गएर आर्जन गरेको ज्ञान, सिप र अनुभवलाई नेपालमा लगाउन आग्रह गरेकी छन् । शुक्रवार एजुकेसन एण्ड माइग्रेसन कर्नरले पुतलीसडकस्थित आफ्नो कार्यालयमा आयोजना गरेको शैक्षिक मेलामा उपस्थिति विद्यार्थीहरुलाई उनले विदेशमा गएर अध्ययन गर्नु गलत नभएको तर त्यहाँ सिकेको अनुभवलाई स्वदेशमा लगाउनु पर्ने बताइन् ।

विवाह बन्धनमा बाँधिएको एक वर्षपछि अभिनेत्री प्रियंका कार्की आमा बन्ने भएकी छन् । केही समयदेखि उनी गर्भवती रहेको आशयका समाचारहरु प्रकाशन हुँदै आएका थिए । शुक्रवार उनी स्वयंले सामाजिक सञ्जाल फेसबुकमा आफ्नो बेबी बम्पसहितको तस्विर सार्वजनिक गर्दै आमा बन्न लागेको जानकारी दिएकी हुन् । उनले लेखेकी छन्, ‘हो, हामी गर्भवती छौं । सोध्न बन्द गर्नुस् ।’

‘बाहुबली’ निर्देशक एसएस राजामौलीको निर्देशनमा बनिरहेको फिल्म ‘आरआरआर’ का लागि अभिनेता अजय देवगनको फर्स्टलुक सार्वजनिक भएको छ । राजामौलीले सामाजिक सञ्जालमा मोसन पोस्टर सार्वजनिक गर्दै अजय देवगनलाई जन्मदिनको शुभकामना दिएका छन् ।

नेपाली फिल्ममा कलाकारहरुको सोर्सफोर्स निकै चल्छ । विशेषगरी अभिनयमा सक्रिय रहेका कलाकारहरु नयाँ नयाँ प्रेम सम्बन्धमा छन् भने उनीहरु आफूलाई अफर हुने फिल्ममा नायक वा नायिकाको सिफारिस एकअर्कालाई गर्ने गरेको पाइन्छ । कतिपयले भने काम गर्न सहज हुने कलाकारहरुलाई फिल्ममा लिनका लागि निर्माता तथा निर्देशकलाई दबाब दिने गरेका छन् । 

नयाँ वर्ष फिल्म रिलिजका लागि उपयुक्त समय मानिन्छ । हरेक नेपाली ‘न्यू इयर’ सेलिब्रेसनको मुडमा हुने भएकाले सिनेमा हलमा दर्शकको चाप बढ्ने विश्वास फिल्मकर्मीहरुमा छ । नयाँ वर्षमा रिलिज भएका फिल्मले दर्शकका साथ पाएका उदाहरण धेरै छन् । यही कारण नयाँ वर्षमा फिल्म रिलिज गर्न निर्माताहरुबीच ठूलो हानाथाप हुने गरेको छ । यसपटक पनि यस्तै देखिएको थियो ।