Nepal's No.1 Filmy Web Magazine

बुधवार पहिलो सन्तानको रुपमा छोरालाई जन्म दिएकी अभिनेत्री ऋचा शर्माले छोरालाई पुरुष मात्र नभएर असल मान्छे बनाउन सकुँ भन्ने मात्र अब आफूमा लोभ रहेको बताएकी छन् । बिहीवार नर्भिक अस्पतालको शैय्याबाट आफ्नो फेसबुकमा श्रीमानको साथमा छोरालाई छातीमा टँसाएको एक विशेष तस्बिर पोस्ट गर्दै उनले आमा बनेपछि मनमा उब्जिएका भाव व्यक्त गरेकी हुन् ।

भारतका चर्चित क्रिकेटर महेन्द्र सिंह धोनी र कपिल देवपछि अब सौरव गांगुलीमाथि बायोपिक बन्ने भएको छ । बिहीवार फिल्मको घोषणा गरिएको हो । यो बायोपिकको निर्माण लभ रञ्जन र अंकुर गर्गले गर्नेछन् । फिल्मको घोषणा गर्दै लभ फिल्म्सको इन्स्टामा लेखिएको छ, ‘यो भन्दा हामीलाई निकै खुसी महशुस भइरहेको छ कि सौरव गांगुलीको बायोपिकलाई लभ फिल्म्सले बनाउनेछ ।’

एक समय अभिनेत्री रेखा थापाको जोडी भएर फिल्ममा काम गरे करिअर नै कायपलट हुन्छ भन्ने विश्वास त्यसबेलाका चल्तीका हिरोहरुमा समेत हुने गरेको थियो । किनकि, फिल्म चलाउन उनको नामै काफी थियो । नव-प्रवेशीलाई त फिल्मको कुनै सिनमा उनको पछाडि उभिन पाउनु पनि ठूलो थियो । झन्, फिल्ममा उनको ‘अनस्क्रिन जोडी’ बन्न पाए त के चाहियो र ? रातारात स्टार ।

जब हरितालिका तीज नजिकिँदै जान्छ तब नेपालको संगीतिक बजारमा तीज गीत सार्वजनिक गर्ने होडबाजी नै चल्छ । कोरोना महामारीको बीचमा पनि यस वर्ष २ सय बढी तीज गीत सार्वजनिक भए । त्यसमध्ये एक/दुईवटा बाहेक प्रायः आए गएकै पत्त भएन । तर, एउटा तीज गीत भने दशकौंदेखि सर्वाधिक गुञ्जिँदै आएको छ, जुन गीतमा कम्मर नभाँचेसम्म महिलाहरुलाई धितै मर्दैन ।

नेपाली फिल्म क्षेत्रको गर्विलो नाम हो, युवराज लामा । एक समय अभिनयसँगै फिल्म निर्माण र निर्देशनमा निकै सक्रिय रहेका उनलाई दर्शकले फिल्म ‘देउता’ को ‘निमा’ भनेर चिन्ने गर्दछन् । ‘मन मन्दिर, कन्यादान, देश परदेश, प्रतिज्ञा, दुलहा राजा दुलही रानी, गोरेटो’ लगायतका फिल्मको निर्माण र निर्देशन गरिसकेका उनी पछिल्लो समय राजनीति र होटल व्यवसायमा व्यस्त छन् ।