Nepal's No.1 Filmy Web Magazine
अभिनेत्री ऋचा शर्मालाई पुत्र लाभ भएको छ । बुधवार बिहान थापाथलीस्ठित नर्भिक अस्पतालमा उनले छोरालाई जन्म दिएकी हुन् । ऋचा निर्णायक रहेको ‘कमेडी च्याम्पियन’ ले फेसबुक पेजमार्फत उनी आमा बनेको जानकारी गराएको हो । आमा र सन्तान दुवैको स्वास्थ्य अवस्था राम्रो रहेको बताइएको छ । ऋचाका श्रीमान दिपेक्ष राणाले छोरालाई बोकेको एक तस्बिर बाहिरिएको छ ।
बलिउड अभिनेत्री राधिका आप्टे जीवन्त चरित्र र सानदार अभिनय कलाका कारण परिचित छिन् । फिल्ममा जुनसुकै चरित्रमा आफूलाई ढाल्न सिपालु मानिने उनले ‘वाह लाइफ हो तो ऐसी’ फिल्मबाट बलिउडमा डेब्यू गरेकी थिइन् । यसपछि उनले ‘पार्च्ड, रक्त चरित्र, शोर इन द सिटी, माँझी द माउन्टम्यान, बदलापुर, हन्टर’ जस्ता कयौं सानदार फिल्ममा अभिनय गरिसकेकी छन् ।
गत वर्ष कोरोना महामारीका कारण जारी लकडाउन अन्त्यपछि निर्देशक तथा निर्माता मिलन चाम्सले आफ्नो ड्रिम्स प्रोजेक्ट ‘गोर्खा वारियर २’ को घोषणा गरेका थिए । पहिलो पार्टभन्दा अगाडि दोस्रो पार्ट निर्माण गर्न लागेका उनले फिल्मको ३० प्रतिशत छायांकन पनि पूरा गरिसकेका छन् । तर, कोरोनाको दोस्रो लहर सुरु भएर निषेधाज्ञा जारी भएपछि फिल्मको छायांकन अधुरैमा अड्कियो ।
मंगलवार आफ्नो जन्मदिनको अवसर पारेर निर्देशक सुदर्शन थापाले प्रेमिका सुप्रिया कटुवालसँग औँठी साटासाट गरे । आउँदो असोज २२ गतेलाई उनीहरुको विवाहको लगन जुरेको छ । काठमाडौंको पाँचतारे होटल र्याडिसनमा भएको इन्गेजमेन्ट समारोहमा दुई पक्षका सीमित परिवारसँगै सुदर्शन र सुप्रियाका अत्यन्त नजिकका व्यक्तिहरुको पनि उपस्थिति रहेको थियो ।
२०१९ मा रिलिज भएको सुपरहिट तमिल फिल्म ‘थडम’ को हिन्दी रिमेकमा अभिनेता आदित्य रोय कपूरको जोडी अभिनेत्री मृणाल ठाकुरसँग बाँधिएको छ । फिल्ममा मृणालले एक प्रहरी अधिकारीको भूमिका निर्वाह गर्नेछिन् । वास्तविक घटनामा आधारित भएर निर्माण हुन लागेको फिल्मलाई वर्धन केतकरले निर्देशन गर्दैछन् । यो थ्रिलर फिल्मको आउँदो अक्टोबरबाट छायांकन सुरु हुँदैछ ।
नेपालका लागि युरोपियन युनियनको डेलिगेसनले ‘नेपाल-युरोपियन फिल्म फेस्टिभल-२०२१’ (नियुफ) भर्चुअलमार्फत गर्ने जानकारी गराएको छ । असोज १ देखि ९ सम्म हुने महोत्सवको दशौँ संस्करणमा विभिन्न पुरस्कार जित्न सफल १४ युरोपियन मुलुकका १५ फिल्मका साथै अन्य २४ फिल्महरू प्रदर्शन गरिने आइतवार भर्चुअल माध्यमबाट भएको पत्रकार सम्मेलनमा जानकारी गराइयो ।
