जाह्ववी कपूरको हातमा एक अर्को ठूलो फिल्म परेको छ । उनी चाँडै भर्सटायल अभिनेता राजकुमार रावसँग फिल्म ‘रूह-अफ्जा’ मा देखिनेछिन् । निर्माता दिनेश विजानको यस फिल्ममा वरुण शर्माको पनि अभिनय रहनेछ । जाह्ववी यो फिल्ममा रूही र अफसानाको रुपमा देखिनेछिन् । अर्थात् उनको डबल रोल रहनेछ ।
दिनेशले एक बयानमा भनेका छन्, 'फिल्मका लागि हामीलाई यस्तो अभिनेताको खाँचो थियो, जो आफ्नो भूमिकामा सहज रुपमा ढल्न सकुन । राजकुमार राव र वरुण सानदार अभिनेता हुन् । दुईले आफ्नो अन्दाजमा उत्कृष्ट कमेडी गर्दछन् ।' फिल्मलाई हार्दिक मेहताले निर्देशन गर्नेछन् भने दिनेशलाई मृगदीप सिंह लाम्बाले निर्माणमा सघाएका छन् ।
निर्माताले जाह्ववी कपूरको बारेमा भनेका छन्, 'मुख्य नायिकाको रुपमा हामीलाई यस्तो कलाकारको खाँचो थियो, जो दुई अलग तरिकाको व्यक्तित्व भएको भूमिका निभाउन सकोस् र जाह्ववी यसमा खरो उत्रिइन् । फिल्मको पटकथामा नयाँपन छ र अभिनेत्री पनि यस्तै छिन् ।' २० मार्च २०२० मा फिल्म रिलिज हुनेछ ।
जाह्नवी कपूर एक्टर राजकुमार रावको निकै ठूलो फ्यान हुन् । 'कफी विद करण' मा उनले राजकुमार आफूलाई निकै मनपर्ने बताएकी थिइन् । गत वर्ष प्रदर्शनमा आएको फिल्म 'धडक' बाट सुखद डेब्यू गरेकी उनी चाँडै करण जाहरको 'तख्त' र कारगिल गर्ल गुञ्जन सक्सेनाको बायोपिकमा पनि देखिँर्दैछिन् ।
