बुधबार उपत्यकासहित पहाडी क्षेत्रमा हर्षउल्लासका साथ होली पर्व मनाइँदैछ । यही चैत २२ गतेबाट प्रदर्शनमा आउन लागेको फिल्म ‘लभ स्टेशन’ टिमले पनि पोखरा पुगेर होली मनाएको छ । युवास्टार प्रदीप खड्का र अभिनेत्री जसिता गुरुङले एकअर्कालाई रंग र अविर दलेर होली पर्वको शुभकामना आदानप्रदान गरे । फिल्मका निर्माता गोविन्द शाहीले पनि आफ्ना नायक-नायिकालाई रंग दलेर होली मनाए ।
(1).JPG)
(2).JPG)
मंगलबार पोखरा पुगेको ‘लभ स्टेशन’ टिम बुधबार दिउँसो पोखरा लेकसाइडमा कान्तिपुर मिडिया ग्रुपले आयोजना गर्ने होली हंगामा कार्यक्रममा सहभागी हुँदैछ । बुधबार बिहानै तालबहारी मन्दिर दर्शन गरेका प्रदीपले पोखराका दर्शकको माया सधैँ आफूलाई रहने विश्वास राखे । ‘यसबर्ष पोखराका दर्शकसँग होली मनाउने अवसर मिल्यो खुसी लागेको छ’, प्रदीपले भने ।
नायिका जसिताका लागि भने यस वर्षको होली विषेश छ । किनकि, उनी १३ वर्षपछि आफ्नो जन्मथलो पोखरामा होली मनाउँदैछिन् । ‘म पोखरामै जन्मिएकी हुँ, त्यसैले पनि पोखरासँग आत्मिय सम्बन्ध छ, आज होली पोखरामै खेल्न पाइयो निकै खुसी छु’, जसिताले भनिन् । यस्तै, निर्माता शाहीले पोखरा माया गर्नेहरुको स्टेशन भएका कारण पोखरेली दर्शकलाई 'लभ स्टेशन' मनपर्ने बताए ।
.JPG)
(2).JPG)
उज्जवल घिमिरे निर्देशित यो फिल्ममा प्रदीप र जसितासँगै रमेश बुढाथोकी, प्रकाश शाह, रेशु भट्टराई, बिनोद कुमार पौड्याल, प्रिया रिजाल, सरु बिष्ट, रवी डंगोल, दिनेश काफ्लेलगायतको अभिनय छ । आलोक शुक्लाको छायांकन रहेको फिल्ममा शम्भुजीत बाँस्कोटा, दीपक शर्मा, राजनराज शिवाकोटी र एलिश कार्कीको संगीत छ । यसमा अर्जुन जिसी र लोकेश बज्राचार्यको सम्पादन छ ।
