काठ क्षेत्रका चर्चित गायक रेशम थापाको लोकप्रिय गीत ‘रुमालै छ चिनो’ नाम सापटी लिएर निर्माण भएको दिनेश सिंह ठकुरी निर्देशित फिल्म ‘रुमालै छ चिनो’ को चार अफिसियल पोस्टर सार्वजनिक भएको छ । पोस्टरमा नायक सुशान्त कार्की र नायिका अप्सना थापा फिचर्ड छन् ।
दुई पोस्टरमा सुशान्त र अप्सनालाई रोमान्टिक अवतारमा देख्न सकिन्छ भने अर्को दुई पोस्टरमा सुशान्तको सिक्सप्याक शरीरलाई आकर्षक तरिकाले देखाइएको छ । भारत र पाकिस्तानको युद्धमा भारतको तर्फबाट युद्ध लडेका वीर गोर्खालीको कथामा फिल्म आधारित छ ।
.jpg)
फागुन १० गतेलाई प्रदर्शन मिति घोषणा गरिएको फिल्म ज्योती फिल्मस्को ब्यानरमा बनेको हो । फिल्ममा चन्द्र बहादुर खड्का, दिपक ढकाल र राम प्रसाद पाण्डेको सयुक्त लगानी छ । यसअघि सार्वजनिक भएको ट्रेलर र गीतसंगीतले फिल्मको राम्रो हाइप निर्माण गरेको छ ।
बिनोद सापकोटाले छायांकन रहेको यस फिल्ममा सुशान्त र अप्सनाको साथमा किशोर खतिवडा, संचिता लुइँटेल, रश्मी भट्ट, मिथिला शर्मा, सुरबीर पण्डित, लक्ष्मण बिक्रम बस्नेतलगायतका कलाकारहरुको अभिनय रहेको छ । फिल्ममा रेशम थापाको कथा र शिब थारुले सम्पादन छ ।
