.jpg)
नविन निरौलाको लेखन र निर्देशनमा बनेको फिल्म ‘फिङ्गर प्रिन्ट’ को रोमान्टिक गीत सार्वजनिक भएको छ । 'चाहिँदैन भो' बोलको गीतमा गायक दीपक लिम्बुको स्वर सुन्न सकिन्छ भने दयाराम पाण्डेको शब्दमा अर्जुन पोखरेलले संगीत भरेका छन् ।
कविराज गहतराजको कोरियोग्राफी रहेको गीतमा फिल्मका लिड अभिनेता राज क्षितिज र अभिनेत्री आयुष्मा कार्की फिचर छन् । यो फिल्म फागुन १० गते प्रदर्शन आउँदैछ । मेडिकल साइन्सको बिषयमा केन्द्रित फिल्मको निर्माता अनिल श्रेष्ठ (रोमन) र शंकर आचार्य हुन् ।
फिल्ममा दीपक त्रिपाठी, सरिता लामिछाने, रमेश बुढाथोकी, आनन्द पुनलगायतका कलाकारले अभिनय गरेका छन् । सुमन तण्डुकार र राहुल राईले खिचेको फिल्मले भरपुर मनोरञ्जनका साथै समाजपयोगी सन्देश प्रवाह गर्ने दावी निर्देशक नविनको छ ।
गीत हेर्नुहोस् :-
