.JPG)
भर्सटायल अभिनेता अर्पण थापाले निर्देशनको जिम्मेवारी सम्हालेको फिल्म ‘घर’ को छायांकन सुरु भएको छ । हरर कथामा निर्माण हुने फिल्मको काठमाण्डौको बुढानिलकण्ठ मन्दिरमा सोमबार पूजा गर्दै छायांकन सुरु गरिएको हो ।
अर्पण स्वयंको प्रमुख भूमिका रहने फिल्म उनकै कथामा आधारित भएर बन्न लागेको हो । फिल्ममा अर्पणका साथमा नायिकाद्वय वेनिशा हमाल, सुरक्षा पन्त र कलाकार अस्मिता खनालको मुख्य भूमिका रहनेछ ।
शर्मिला पाण्डेको लगानीमा बन्न लागेको यो चलचित्रलाई २० दिन लगाएर खिचिनेछ । बुढानिलकण्ठ आसपासमै फिल्म खिचिने निर्मातामध्येका एक दिपेन्द्र के खनालले जानकारी दिए । निरज कँडेलले फिल्मको छायांकन गर्नेछन् ।
