रोहित शेट्टीको निर्देशनमा बनेको फिल्म ‘सिम्बा’ ले यतिबेला बक्सअफिसमा आक्रामक कमाई गरिरहेको छ । प्रदर्शनको ११ दिनमा १९६ करोड कमाएको फिल्म मंगलवारको कलेक्सनसँगै २ सय करोडमा प्रवेश गर्दैछ । सोमवार फिल्मको सक्सेस पार्टी निर्माता करण जोहरको घरमा गरियो ।
उक्त पार्टीमा पहिलो पटक रोहित शेट्टीसँग रणवीर सिंह, अजय देवगन र अक्षय कुमार एक फ्रेममा देखिएका छन् । रोहितका लागि फिल्म ‘सिम्बा’ निकै खास रहेको छ । उनले हालै एक अन्तर्वार्तामा आफूले यो स्थान बनाउन सफल हुनुको श्रेय अजय देवगन रहेको बताएका थिए ।
.jpg)
फिल्म ‘सिम्बा’ मा पनि अजयको 'सिंघम' स्टाइल इन्ट्री फ्यानलाई निकै मन परेको थियो । ‘सिम्बा’ पछि रोहित शेट्टीको नयाँ प्रोजेक्ट 'सूर्यवंशी' हो । यो फिल्ममा अभिनेता अक्षय कुमार लिड रोलमा छन् । ‘सिम्बा’ को सक्सेस पार्टीमा अक्षयले जमेर रमाइलो गरेका थिए ।
.jpg)
पार्टीमा रणवीर सिंहले सिम्बा स्टाइलमा इन्ट्री लिए । सारा अली खान बलिउडमा आफ्नो दोस्रो फिल्मको सफलताबाट निकै खुसी देखिएकी थिइन् । पार्टीमा अभिनेत्री द्वय काजोल देवगन र दीपिका पादुकोण स्पेसल गेस्ट बनेर पुगेका थिए ।
