.jpg)
युवा ज्योतिषी हरिहर अधिकारी फिल्म ‘शुभ लभ’ बाट हिरोको रुपमा उदाउँदैछन् । युवा उमेरमा नै ज्योतिष विधामा आफूलाई स्थापित गराइसकेका उनले यस फिल्ममा पनि एक प्रख्यात युवा ज्यातिषकै भूमिका निभाएका छन् । अर्थात् उनको जीवनसँग फिल्म धेरथोर मिल्छ ।
.jpg)
अधिकारीकै कथामा आधारित यस फिल्मको हाल पोखरामा छायांकन भइरहेको छ । चैत १५ गतेलाई प्रदर्शन मिति घोषणा गरिएको फिल्मको दुई गीत खिच्नमात्र बाँकी रहेको निर्देशक सन्तोषबाबु लोहनीले बताएका छन् । दुईमध्ये अहिले फिल्मको टाइटल गीत खिच्ने काम भइरहेको छ ।
.jpg)
‘तिमी हुन्छौ भने मेरो शुभ लभ’ गीतमा हरिहरलाई नव-अभिनेत्री क्रिस्टिन पौडेललाई फकाउँदै गरेको देखिनेछ । गीतबारे प्रस्ट्याउँदै निर्देशक लोहनीले फिल्मीखबरसँग भने, ‘सेमिनारका लागि पोखरा पुगेको हिरो (हरिहर) ले रिसाएकी प्रेमिका (क्रिस्टिन) फकाउँदै गरेको दृश्य गीतमा उनेका छौं ।’
.jpg)
गीत खिच्न अझै ३ दिन लाग्नेछ । छायांकन भइरहेको गीतमा निशान भट्टराईको स्वर छ भने अर्जुन पोखरेलको शब्द तथा संगीत छ । गीतमा हरिहर र क्रिस्टिनलाई कोरियोग्राफर रामजी लामिछानेले नचाइरहेका छन् । फिल्मको एक गीत भने दुबईमा खिचिने निर्देशक लोहनीले बताए ।
.jpg)
फिल्ममा हरिहर र क्रिस्टिनका अलावा सरोज खनाल, प्रदीप बाँस्तोला, रवीन्द्र झा, राजाराम पौड्याल, डा.सूर्या थापा लगायतको पनि अभिनय रहेको छ । धर्मराज सुवेदीको लगानी रहेको फिल्मको प्रस्तुतकर्ताका रूपमा प्रदीपकुमार उदय रहेका छन् ।
तश्बिर : जक्सन डटकम
