.jpg)
माघ २५ गतेलाई प्रदर्शन मिति घोषणा गरिएको फिल्म ‘प्रेमलीला’ को दोस्रो गीत इन्टरनेट रिलिज भएको छ । अन्तर्देशीय प्रेमकथा वाचन गर्ने फिल्मको 'मिस गरें...' गीतमा फिल्मका लिड कलाकार दीपशिखा खड्का र नायक मौसम खड्का फिचर्ड छन् । युवराज चौलागाई र मेलिना राईको गीतमा आवाज छ ।
गीतमा डा. कृष्णहरी बरालको शब्द र हरी लम्सालको संगीत सुन्न सकिन्छ । सार्वजनिक भिडियोमा पबन गौतमको छायांकन, चन्दन दत्त र सालिक दुलालको सम्पादन, रामजी लामिछानेको कोरियोग्राफी रहेको छ । यसअघि फिल्मको हिन्दी भर्सनको गीत सार्वजनिक भएको थियो ।
दीपशिखा र मौसमसँगै भारतीय मोडल अली खानको मुख्य भूमिका रहेको फिल्ममा सुरज तमु, रेखा शाह, शर्मिला शर्मा, भारतीय कलाकारहरु अर्चना शुक्ला, ट्वीकंल श्रीवास्तवलगायतको पनि अभिनय छ । नायिका खड्काकै कथा, पटकथा तथा संवाद रहेको फिल्मलाई नानीमैया कार्की र फैजिल फिल्म्सले निर्माण गरेको हो ।
गीत हेर्नुहोस् :-
