बलिउड सुपरस्टार आयुष्मान खुराना स्टारर फिल्म ‘बधाई हो’ को कमाईको सिलसिला अझै जारी छ । अभिनेता आमिर खानको फिल्म ‘ठग्स अफ हिन्दोस्तान’ लाई पछाडि छोड्दै बक्सअफिसमा उक्त फिल्म कमाईको रेसमा अगाडि निस्किएको छ । फिल्म वर्ल्ड वाइड २ सय करोडमा ईन्ट्री भएको छ ।
ट्रेड एनालिस्ट तरण आदर्शले ट्विटमार्फत फिल्मको वर्ल्ड वाइड कलेक्सन सार्वजनिक गरेका छन् । फिल्मले भारतमा मात्र १ सय ५८ करोड कमाइसकेको छ भने ओभरसिजबाट ४३ करोड कमाएको छ । फिल्म २० करोडमा बनेको हो । यो हिसाबले फिल्मको कमाई धेरै हो ।
‘बधाई हो’ ले पहिलो हप्ता ६६ करोड १० लाख, दोस्रो हप्ता २८ करोड १५ लाख, तेस्रो हप्ता १५ करोड ३५ लाख र चौथो हप्ता १० करोड ८० लाखको कमाई गरेको छ । यो फिल्मलाई क्रिटिक्स र दर्शकले निकै रुचाएका छन् । फिल्ममा आयुष्मानका अलावा सान्या मल्होत्रा, नीना गुप्ता, गजराज रावलगायतको अभिनय छ ।
It's a DOUBLE CENTURY... #BadhaaiHo crosses ₹ 200 cr worldwide [GrossBOC]...#India NettBOC: ₹ 126.60 cr#India GrossBOC: ₹ 158.25 cr#Overseas GrossBOC: ₹ 43.72 cr [till 19 Nov 2018]#Worldwide GrossBOC: ₹ 201.97 cr pic.twitter.com/inD0uOug5K
— taran adarsh (@taran_adarsh) November 21, 2018
अमित रवीन्द्रनाथ शर्मा निर्देशित फिल्मले प्रदर्शनको १७ दिनमा सय करोडको आँकडा पार गरेको थियो । आयुष्मान र उनको आमाको भूमिका निभाएकी नीनाको कामलाई दर्शक र समीक्षकले मुक्तकण्ठले प्रशंसा गरेका छन् । ‘बधाई हो’ को सफलतासँगै आयुष्मान बलिउडका शक्तिशाली अभिनेतामा दरिएका छन् ।
