बलिउड अभिनेता अक्षय कुमारले ‘वर्ल्ड ट्वाइलेट डे’ को अवसरमा ‘यूनिभर्सल एक्सेस टू सेनिटेसन’ नामक प्यानल चर्चामा कयौं खुलासा गरेका छन् । उनले करिअरको सुरुवातमा एक्सन फिल्ममा मात्र काम गरेको बताए । किनकी, उनका फिल्मका निर्माता/निर्देशकलाई लाग्थ्यो कि उनलाई अभिनय गर्न आउँदैन ।
उनले भने, 'अहिलेसम्म मैले लगभग १४० फिल्म गरिसकें । आफ्नो करिअरको सुरुवातमा मैले एक्सन फिल्म मात्र गरें । किनकी, मेरा निर्माता र निर्देशकलाई लाग्थ्यो कि म अभिनय गर्न सक्दिनँ । यसैले उनीहरुले फिल्ममा मलाई एक्सन मात्र गराए ।'
'विस्तारै मैले कमेडी र रोमान्टिक फिल्महरु गर्न थालें । फेरि प्रासंगिक फिल्म गर्न सुरु गरें', उनले भने । वर्क फ्रन्टको कुरा गर्ने हो भने अक्षय फिल्म '२.०' मा देखिँदैछन् । यो फिल्ममा उनी नेगेटिभ रोलमा छन् । ट्रेलर लञ्चमा उनले फिल्ममा आफ्नो भूमिकाको बारे बताएका थिए ।
उनी भन्छन्, 'फिल्ममा मैले चरित्रका लागि जति मेकअप गरें त्यति मैले जिन्दगीमै कहिल्यै गरेको थिइनँ । यो एक निकै चुनौतीपूर्ण भूमिका थियो । यसका लागि लगभग ४ घण्टा मेकअप गर्नु पर्थ्यो र अर्को डेढ घण्टा पुछ्न लाग्थ्यो ।' योसँगै अक्षय फिल्म 'हाउसफुल ४' र 'मिशन मंगल' मा पनि देखिँदैछन् ।
