बलिउड अभिनेत्री दीपिका पादुकोणका लागि यो महिना खुसीको सौगात लिएर आएको छ । हालै उनले आफ्नो प्रेमी रणवीर सिंहसँग विवाह गर्ने घोषणा गरेकी थिइन् । अब उनीसँग जोडिएको एक खबर बाहिर आएको छ ।
दीपिका चाँडै बलिउडका मिस्टर परफेक्निशट आमिर खानसँग पहिलो पटक सँगै काम गर्ने भएकी छन् । बेवसाइट बलिउड लाइफका अनुसार, आमिर खानको नयाँ फिल्म 'मोगुल' मा मुख्य अभिनेत्रीको रुपमा दीपिकाको इन्ट्री हुन सक्ने प्रवल सम्भावना छ ।
हालैमा दीपिकाले आमिरको घरमा नै पुगेर भेट गरेकी थिइन् । यसपछि चर्चा सुरु भएको थियो कि दीपिका फिल्म 'मोगुल' को हिस्सा बन्न सक्छिन् । फिल्ममा दीपिका अनुबन्ध भने भइसकेकी छैनन् । तर, निर्माण टिमसँग मौखिक सहमती भएको भारतीय मिडियाहरुले बताएका छन् ।
दीपिकाले फिल्म साइन गरेपनि उनी आमिरको अपोजिटमा भने हुने छैनन् । पहिला यो फिल्म बलिउड सुपरस्टार अक्षय कुमारले गर्ने पक्का भएको थियो । तर, फिल्मका निर्माताको टी-सीरीजका मालिक भूषण कुमारसँग विवाद भएपछि अक्षयले फिल्म छाडेका थिए । यसपछि आमिर जोडिएका हुन् ।
यो फिल्म 'मि टु' मूभमेन्टका कारण पनि निकै चर्चामा रह्यो । यस फिल्मका निर्देशक सुभाष कपूरमाथि यौन उत्पीडनको आरोप लागेको थियो । यो सबै विवाद देखेपछि आमिरले पनि उक्त फिल्म छाडेका थिए । निर्माताले निर्देशक कपूरलाई हटाएपछि आमिर पुनः फिल्ममा भित्रिएका हुन् ।
