.jpg)
घरेलु बजारमा औसत व्यापार गरेपनि समीक्षक र दर्शकको नजरमा उत्कृष्ट ठहरिएको फिल्म ‘डाइङ क्यान्डल’ ले ‘सिंगापुर साउथ एसियन इन्टरनेशनल फिल्म फेष्टिवल’ मा दुई अवार्ड आफ्नो नाम गरेको छ । फिल्मले उत्कृष्ट अभिनेत्री र छायाँकारको अवार्ड उचालेको हो ।
अभिनेत्रीको अवार्ड सृजना सुब्बाले आफ्नो नाम गर्दा छायाँकारको अवार्ड दीपन्कर सिक्देर र रवीन आचार्यले उचाले । यो फिल्मलाई नरेशकुमार केसीले निर्देशन गरेका हुन् । गएको दुई वर्ष अगाडि योे फिल्म नेपाल रिलिज भएको थियो । दिदी-भाईको आत्मीयताको कथा फिल्मले वाचन गरेको छ ।
सिंगापुरमा भएको फिल्म फेस्टिवलमा फिल्म ‘डाइङ क्यान्डल’ नोमिनेसनमा परेपछि निर्देशक केसी र अभिनेत्री सुब्बा केही दिन अगाडि सिंगापुर उडेका थिए । फिल्मले अन्तर्राष्ट्रिय अवार्ड जित्नु आफ्नो लागि थप जिम्मेवारी थपिएको निर्देशक केसीले बताए । उनी निर्देशित दोस्रो फिल्म 'रोमियो एण्ड मुना' हालै प्रदर्शनमा आएको थियो ।
.jpg)
फिल्ममा तिख्खर अभिनय पस्किएकी थिएटर आर्टिस्ट सृजनाले अवार्डसँगै जिम्मेवारी महशुस भएको बताएकी छन् । गएको वर्ष नेपालमा भएका केही अवार्डमा पनि उनले उक्त फिल्मबाट उत्कृष्ट अभिनेत्रीकोे अवार्ड उचालेकी थिइन् । ‘डाइङ क्यान्डल’ को कथा निर्देशक स्वयमले लेखेका हुन् ।
