Nepal's No.1 Filmy Web Magazine
हलिउड सुपरस्टार ड्वेन जोनसन ‘द रक’ ले अब ‘फास्ट एन्ड फ्यूरियस’ फिल्मको कुनै सिरिजमा काम नगर्ने घोषणा गरेका छन् । सन् २०११ देखि उनी यो सिरिजको हिस्सा थिए । सन् २०१७ मा अभिनेता विन डिजलसँग झगडा भएपछि उनले यो फिल्मको सिरिजमा काम नगर्ने निर्णय गरेका हुन् । विनसँगको झगडाकै कारण ड्वेन जोनसनले ‘फास्ट एन्ड फ्युरियस ९’ मा काम गरेनन् ।
बलिउडका चकलेटी अभिनेता कार्तिक आर्यनले नयाँ फिल्म ‘क्याप्टेन इन्डिया’ मा पाइलटको भूमिका निर्वाह गर्ने भएका छन् । शुक्रवार निर्माण टिमले फिल्मको फस्टलुक पोस्टर सार्वजनिक गरेको छ, जसमा कार्तिकलाई पाइलटको पोषाकमा देख्न सकिन्छ । हंसल मेहताको निर्देशनमा बन्न लागेको फिल्मले युद्धको समयमा भारतलाई बचाउन सफल एक मिशनको कथा वाचन गर्नेछ ।
बाल्यकालदेखि नै अभिनयमा सक्रिय रहेका सलोन बस्नेत निषेधाज्ञाभन्दा अगाडि अभिनेता आमेष भण्डारीसँग मिलेर फिल्म ‘रुम नम्बर १०८’ बनाउने तयारीमा थिए । तर, कोरोनाको दोस्रो महामारी फैलिएसँँगै फिल्मको काम रोकियो । अब उक्त फिल्म निर्माण हुन्छ वा हुँदैन, अनिश्चित छ । कोरोनाले फिल्म निर्माण रोकिए पनि सलोनले निर्माता बन्ने आफ्नो सपना भने पूरा गरेका छन् ।
म्यूजिक भिडियोको दुनियाँमा यतिबेला सर्वाधिक माग भएको जोडी हो, पल शाह र मलिका महत । ‘फूलबुट्टे सारी र टाढा भएपनि’ गीतको सफलतापछि उनीहरुलाई लिएर म्यूजिक भिडियो बनाउन निर्माताहरुबीच हानाथाप चलिरहेको छ । तर, म्यूजिक भिडियो निर्माण कम्पनी केन्द्र मोशन पिक्चरले उनीहरुसँग ६ महिना अरु म्यूजिक भिडियोमा काम गर्न नपाउने गरी सम्झौता गरेको छ ।
कलाकारको अफेयरका समाचारले फिल्म क्षेत्र सधैं तात्ने गरेको हुन्छ । यस्ता खबरले दर्शकलाई उत्साहित बनाउँछ भने मिडियाका लागि राम्रो मसला बन्छ । केही महिनायता अभिनेत्री वर्षा सिवाकोटी र अभिनेता राज कटुवालबीचको प्रेम चर्चा मिडियाका लागि ‘हटकेक’ बनेको छ । विगत ६-७ महिनायता उनीहरु एकअर्कासँँग निकै नजिक छन् । यद्यपि, दुवैले प्रेम स्वीकार गरेका छैनन् ।
सन् २०१८ मा प्रदर्शन भएको फिल्म ‘जिरो’ पछि अभिनेता शाहरुख खान फिल्म ‘पठान’ बाट कमब्याक गर्ने तयारीमा छन् । यसका अलावा उनी सलमान खानको अभिनय रहने फिल्म ‘टाइगर ३’ मा पनि केमियो भूमिका निर्वाह गर्दैछन् । योसँगै उनको हातमा साउथ निर्देशक एटलीको फिल्म परेको छ । उनले फिल्ममा काम गर्ने पक्का भइसकेको भारतीय मिडियाले उल्लेख गरेका छन् ।
