Nepal's No.1 Filmy Web Magazine

नेपाली फिल्ममा कलाकारसँगै निर्माता तथा निर्देशकका सन्तानको प्रवेश बढ्दो छ । तर, सफलता नगन्यले मात्र हासिल गरेका छन् । प्रायः संघर्ष गर्दा गर्दै थाकेका छन् । परिवारको मद्दतले फिल्ममा प्रवेश गर्न सहज भए पनि यो क्षेत्रमा टिकिरहन आफूमा क्षमता हुनैपर्छ । परिवारको आँडमा यो क्षेत्रमा आफूलाई स्थापित गर्न खोज्नु भनेको अहिलेको समयमा ‘दिउसै सपना देख्नु’ जस्तो हो । 

काठमाडौंसहित तीन जिल्लाका प्रशासन कार्यालयले सिनेमा हल सञ्चालन र छायांकनका लागि अनुमति दिएसँगै प्रि-प्रोडक्सनमा रहेका दर्जनौं फिल्म छायांकनमा निस्कने तयारीमा जुटेका छन् । त्यसो त, प्रशासनले छायांकन अनुमति नदिँदा पनि लुकिछिपी फिल्मको छायांकन भने भइरहेकै थिए । शुक्रवारबाट प्रशासनले २५ जनाको उपस्थितिमा मात्र छायांकन गर्न अनुमति दिएको हो ।

आउँदो दशैंमा सिनेमा हलमा प्रदर्शनको लक्ष्यसहित दुई सातादेखि चित्लाङमा शोभित बस्नेत निर्देशित फिल्म ‘डाँडाको बरपीपल’ को छायांकन भइरहेको छ । ‘स्टारकास्ट’ का कारण निर्माण अगावैदेखि चर्चामा रहेको यो फिल्ममा छायांकन सुरु हुनुभन्दा केही दिनअघि अभिनेता भुवन केसीको प्रवेश भएको थियो । अहिले उनी पनि आफ्नो भागको छायांकनका लागि चित्लाङमा छन् ।

बुधवार काठमाडौं, भक्तपुर र ललितपुरका जिल्ला प्रमुखहरुको बैठकले चार महिनादेखि बन्द रहेका सिनेमा हलहरु स्वास्थ्य सुरक्षाको मापदण्ड अपनाएर खोल्न दिने निर्णय गरेको थियो । शुक्रवार जिल्ला प्रशासन कार्यालय काठमाडौंले फिल्म छायांकन पनि खुल्ला गर्ने निर्णय गरेको छ । तर, २५ जनासम्मको समुहको उपस्थितिमा मात्र छायांकन गर्न प्रशासनले अनुमति दिएको छ । 

अभिनेता राजेश हमालले चार वर्षपछि कमब्याक गर्न लागेको फिल्म ‘सत्यम्’ भव्य सेटमा खिचिने भएको छ । आउँदो तिहारपछि माथिल्लो मनाङ, मुस्ताङ, पोखरा र काठमाडौंमा छायांकन हुने फिल्मको यतिबेला पोखरामा सेट निर्माणको काम भइरहेको छ । इनडोरका महत्त्वपूर्ण सिनहरु छायांकन गर्ने गरी ठूलो क्षेत्रफलमा निर्माण टिमले महंगो खर्चमा भव्य सेट निर्माण गर्न लागेको हो ।