Nepal's No.1 Filmy Web Magazine

एक समय नेपाली फिल्ममा खलपात्र (भिलेन) को भूमिकामा रुचाइएका कलाकार हुन्, पुष्कर भट्ट । रुपरंग र जिउडालले पनि उनलाई भिलेनको भूमिका निर्वाह गर्न साथ दिएको थियो । ‘भागी भागी नजाउ, अग्नि ज्वाला, गंगाजल, बाटुली, दोस्ती, फैसला, हिम्मतवाली’ लगायत एक सय बढी फिल्ममा अभिनय गरेका उनले दुई दर्जन बढी भोजपुरी फिल्ममा पनि काम गरेका छन् ।

कुनै बेला फिल्म र रंगमञ्चमा सक्रिय रहेकी अभिनेत्री उषा रजक विवाह बन्धनमा बाँधिएपछि श्रीमानको साथमा कीर्गिस्थान उडेकी थिइन् । नेपालमा रहँदा ‘इकु’, ‘कुसुमे रुमाल २’, ‘कथा’ लगायतका फिल्ममा अभिनय गरेकी उनको कीर्गिस्थान पलायन भएपछि अभिनयबाट दूरी बढ्यो । २०१८ मा फिल्म ‘कठपुतली’ बाट अफर आएपछि भने उनी कीर्गिस्थान छाडेर नेपाल आएकी थिइन् । 

पुषको अन्तिम साताबाट छायांकन सुरु हुन लागेको फिल्म ‘लाखे’ मा कलाकार भित्रिने क्रम रोकिएको छैन । सुनिल थापा, सौगात मल्ल, अनुपविक्रम शाही, आर्यन अधिकारी, अर्पण थापा, सुशील सिटौला, विजय बराल, वर्षा राउत अनुबन्ध भइसकेको फिल्ममा अर्का अभिनेता रोहित रुम्बाको पनि प्रवेश भएको छ । शनिवार निर्माण टिमले उनलाई मुख्य भूमिकामा अनुबन्धित गरेको हो ।

कोरोना महामारीयता प्रदर्शनमा आएका नेपाली फिल्मले हलमा दर्शक तान्न सकेका थिएनन् । यही शुक्रवारबाट प्रदर्शनमा आएको फिल्म ‘कठपुतली’ ले भने आशा जगाएको छ । प्रदर्शनको पहिलो दिन नै दर्शकको राम्रो साथ पाएको फिल्मले शनिवार राजधानी र मोफसलका अधिकांश मल्टीप्लेक्सहरुमा हाउसफुल व्यापार गरेको थियो । सिंगल थिएटरमा पनि फिल्म हेर्ने दर्शक उल्लेख थिए ।

नेपालमा साउथ फिल्मको दबदबा बढ्दो क्रममा छ । पछिल्लो समय साउथका ठूला स्टारले अभिनय गरेका फिल्मको हिन्दी डबले नेपालमा आक्रामक व्यापार गरिरहेका छन् । नेपालमा साउथ फिल्मले बलियो पकड बनाउँदै गर्दा नेपाली फिल्मलाई भने चुनौती थपिएको छ । हलिउड र बलिउडका फिल्मको डरले भाग्दै आएको नेपाली फिल्म अब साउथ फिल्मको डरले पनि बाँच्नु पर्नेछ ।

अहिलेका चर्को माग भएका नायक हुन्, दयाहाङ राई । मुख्य भूमिकामा अभिनय गरेका प्रायः फिल्म असफल भए पनि उनको माग भने घटेको छैन । कोभिडअघि उनले आधा दर्जन फिल्म साइन गरेका थिए । अहिले तिनै फिल्मको छायांकन गर्न उनलाई भ्याइनभ्याइ छ । मंसिरमा ‘कबड्डी ४’ को छायांकन सकेका उनी यतिबेला फिल्म ‘गाउँ आएको बाटो’ को छायांकनमा व्यस्त छन् ।