Nepal's No.1 Filmy Web Magazine

आगामी भदौ ३ गतेबाट प्रदर्शनमा आउन लागेको फिल्म ‘माइकल अधिकारी’को पहिलो गीत सार्वजनिक भएको छ । ‘छुक छुक रेल गाडी’ बोलको रोमान्टिक गीतमा प्रकाश दास र अस्मिता अधिकारीको युगल स्वर रहेको छ भने शैलेश कँडेल क्षेत्रीको शब्द रचना र रेवन सिंहको संगीत छ । गीतको भिडियोमा फिल्मका प्रमुख अभिनेता सौगात मल्ल र अभिनेत्री सृष्टि श्रेष्ठ फिचर्ड छन् । 

अभिनेता आर्यन सिग्देलका लागि यस वर्षको जन्मदिन विशेष बनेको छ । शनिवार जन्मदिन सेलिब्रेट गरेका उनले आइतवार नयाँ फिल्म साइन गरेका छन् । ‘सायरा’ नाममा निर्माण हुन लागेको फिल्ममा उनी अनुबन्ध भएका हुन् । आइतबार निर्माण कम्पनी डि.बि.आर. मिडिया एण्ड मुभिजले आर्यनसँग कागजी सम्झौता गरेको हो । यो फिल्मलाई रघु परियारले निर्माण गर्न लागेका हुन् ।

‘प्रेमगीत’ निर्माता सन्तोष सेन मनकारी निर्माताको रुपमा चिनिन्छन् । उनी फिल्म मेकिङदेखि पब्लिसिटीसम्म कुनै कञ्जुसाईँ नगरी पैसाको खोलो बगाउँछन् । प्रायः हरेक निर्देशकलाई उनी जस्ता निर्माताको सधैं खाँचो रहने गर्छ । तर, नेपालमा फिल्म मेकिङ र पब्लिसिटीमा आवश्यकता अनुसार खर्च गर्ने निर्माताहरुको संख्या कम छ । निर्माताले नै मुठ्ठी कसेपछि फिल्म राम्रो बन्नै सक्दैन । 

ज्ञानेन्द्र देउजाको निर्देशनमा बनेको फिल्म ‘झिँगेदाउ’को ट्रेलर सार्वजनिक भएको छ । आइतवार राजधानीमा एक कार्यक्रमका बीच सार्वजनिक गरिएको ३ मिनेटको ट्रेलरमा एउटा परिवारभित्रको कथालाई प्रस्तुत गरिएको छ । अभिनेत्रीद्वय केकी अधिकारी र आँचल शर्माबीचको नोकझोंक र लडाइँले ट्रेलरमा रोमान्चकता थपेको छ । फिल्ममा उनीहरु जेठानी-देवरानीको भूमिकामा छन् ।