Nepal's No.1 Filmy Web Magazine

अभिनेता सारुक ताम्राकारको निधनपछि फिल्म ‘ह्यासट्याग माया’को निर्माण अन्योल बनेको छ । ४० प्रतिशत छायांकन सकिँदा ५ करोड खर्च भएको दाबी निर्माण टिमले गरेको छ । अब फिल्मको निर्माण नै असम्भव देखिन्छ । निर्देशक तथा निर्माता राजीव गुरुङले सारुकको निधनपछि फिल्मकी मुख्य अभिनेत्री नम्रता श्रेष्ठको विषयमा दिएको अन्तर्वार्ताले टिमभित्र ठूलो उथल-पुथल ल्याएको छ । यसपछि नम्रता र फिल्मको टिमबीच सम्पर्क समेत भएको छैन ।

फिल्मसम्बन्धी अवार्डमा सबैभन्दा महत्त्वपूर्ण विधा भनेकै ‘उत्कृष्ट फिल्म’ हो । तर, फिल्म क्षेत्रकै अभिभावक संस्था चलचित्र विकास बोर्डले मंगलबार राष्ट्रपति कार्यालयमा गरेको ‘राष्ट्रिय चलचित्र पुरस्कार’मा उक्त विधामा अवार्ड नै बाँडिएन । जसका कारण राष्ट्रिय अवार्ड विवादमा तानिएको छ । ‘उत्कृष्ट फिल्म’को विधा नै नसमेटिएको अवार्डको कुनै औचित्य नहुने भन्दै टिप्पणी भैरहेको छ ।

चलचित्र विकास बोर्डले मंगलबार राष्ट्रपति कार्यालय शितल निवासमा आयोजना गरेको ‘राष्ट्रिय चलचित्र पुरस्कार समारोह’मा फिल्म ‘महापुरुष’बाट हरिवंश आचार्यले उत्कृष्ट अभिनेता र फिल्म ‘प्रकाश’बाट दीया मास्केले उत्कृष्ट अभिनेत्रीको अवार्ड प्राप्त गरेका छन् । राष्ट्रपति रामचन्द्र पौडेलद्वारा वितरण गरिएको अवार्ड ग्रहण गर्नका लागि हरिवंश स्टेज चढेका थिए भने दीया अनुपस्थित थिइन् ।

नेपालीबीच चर्चित एउटा उखान छ, ‘कहीँ नभएको जात्रा हाँडीगाउँमा ।’ यो उखानलाई विर्साउने गरी मंगलबार चलचित्र विकास बोर्डले राष्ट्रपति कार्यालय शितल निवासमा ‘राष्ट्रिय चलचित्र पुरस्कार तथा सम्मान समारोह-२०८०’ आयोजना गरेको छ । अवार्डमा सबैभन्दा महत्त्वपूर्ण मानिने ‘उत्कृष्ट फिल्म’को अवार्ड राष्ट्रिय पुरस्कारबाटै गायब भयो । अर्थात् उक्त विधामा अवार्ड नै बाँडिएन ।

अघिल्लो वर्ष फिल्म ‘झिँगेदाउ’ हिट भएपछि अभिनेत्री आँचल शर्मा प्रफुलित थिइन् । चार वर्षपछि उनले हिट फिल्म पाएकी थिइन् । तर, उनलाई ‘झिँगेदाउ’ले दिएको खुसीमा यस वर्षको बैशाखमा आएको फिल्म ‘नाईं नभन्नू ल ६’ले पानी फेरिदियो । यो फिल्म उनको करिअरकै सबैभन्दा ठूलो ‘फ्लप’ बन्न पुग्यो, जसको उनलाई अपेक्षा नै थिएन । किनकि, ‘नाईं नभन्नू ल’ हिट सिरिज थियो ।

कमर्शियल र आर्ट हाउस दुवै फिल्ममा भिजेका कलाकार नेपालमा सीमित छन् । स्टार कहलिएका कलाकारको त आर्ट हाउसका फिल्म खासै रोजाईमा नै पर्दैन । किनकि, यसलाई व्यावसायिक रुपमा ठूलो जोखिमपूर्ण मानिन्छ । तर, अभिनेत्री स्वस्तिमा खड्का यी दुवै धारका फिल्ममा जमेकी छन् । उनले ‘छक्का पञ्जा’ जस्तो कमर्शियल र ‘बुलबुल’ जस्तो आर्ट हाउसका फिल्म गरेकी छन् ।