Nepal's No.1 Filmy Web Magazine
गत शुक्रबारबाट प्रदर्शनरत सरोज खनालद्वारा निर्देशित फिल्म ‘बगान’ले अपेक्षाकृत कमाई गर्न नसकिरहेको भएपनि दर्शकसँगै विभिन्न क्षेत्रका व्यक्तिहरुबाट सकारात्मक प्रतिक्रिया मिलिरहेको छ । यसैबीच, मंगलबार साँझ पूर्वराष्ट्रपति विद्यादेवी भण्डारीसहित कलाकार, राजनीतिज्ञ, साहित्यकार तथा विश्लेषकहरूले फिल्म हेरेर कथावस्तुदेखि कलाकारको अभिनय पक्षसम्मको प्रशंसा गरे ।
अभिनेत्री करिश्मा मानन्धर अभिनीत नयाँ फिल्म ‘बगान’ पाँचदिनदेखि हलमा प्रदर्शनरत छ । फिल्म प्रदर्शनको संघारमा करिश्माले फेसबुकमा स्टाटस लेख्दै काठमाडौं महानगरका प्रमुख बालेन शाहलाई फिल्मको प्रदर्शनमा सहयोग गर्न आग्रह गरेकी थिइन् । तर, फेसबुकमा लेखेको स्टाटस हटाउने बानी परेकी उनले बालेनका लागि लेखेको स्टाटस पनि २४ घण्टा नवित्दै हटाएकी थिइन् ।
नेपालमा पुनः प्रदर्शनमा आएका फिल्मले घरेलू बजारमा सुखद कमाई गरेको रेकर्ड छैन । तर पनि केही निर्माताले पहिलो चरणको प्रदर्शनमा लगानी उठाउन नसकेपछि फिल्मलाई पुनः प्रदर्शन गर्ने गरेका छन् । यस वर्षका लागि पहिलो रि-रिलिज फिल्म ‘बिहे पास’ बनेको छ । असार २९ गते फिल्म पुनः प्रदर्शन भएको थियो । तर, फिल्मको दोस्रो चरणको प्रदर्शन सुखद देखिएको छैन ।
करिब ५ वर्षपछि निर्देशनमा फर्किन लागेका मुस्कान ढकालले आफ्नो नयाँ फिल्म ‘पञ्चामृत’मा कलाकारहरुको लाइनअप बलियो बनाएका छन् । फिल्ममा सौगात मल्ल, निरुता सिंह, विपना थापा, उत्तम प्रधान र मिथिला शर्मा अनुबन्धित भैसकेको अवस्थामा थप दुईजना चर्चित कलाकारको प्रवेश भएको छ । फिल्ममा अभिनेता धिरज मगर र अभिनेत्री आँचल शर्मा अनुबन्ध भएका हुन् ।
निर्देशक मिलन चाम्सलाई फिल्म बनाउने मेशिन भन्ने गरिन्छ । उनले निर्देशन करिअरको करिब ९ वर्षमा ९ वटा फिल्मको निर्देशन गरिसकेका छन् । उनको पाइपलाइनमा अझै ३/४ वटा फिल्म छन् । आफूले निर्देशन गरेका फिल्म आर्थिक रुपले सफल हुन् या नहुन्, मिलनको निर्देशन यात्रा रोकिएको छैन । उनी ठूलो लगानीमा फिल्म बनाउन आँट गर्ने निर्देशकको रुपमा समेत चिनिन्छन् ।
कुनै समय नेपाली फिल्मका लागि प्रदर्शनको एकाउन्नौं र सय दिन सामान्य मानिन्थ्यो । न्यून संख्यामा फिल्म बन्ने हुँदा प्रायः फिल्म हलमा लामो समयसम्म टिक्थे । तर, डिजिटल युगको प्रारम्भसँगै नेपाली फिल्मको आयू एक हप्तामा आइपुगेको छ । यद्यपि, वर्षमा एकाध फिल्मले प्रदर्शनको ५१औं दिन मनाउने गरेका छन् । प्रदर्शनको सय दिन त विस्तारै एकादेशको कथाझैं हुन थालेको छ ।
