Nepal's No.1 Filmy Web Magazine

घरेलु बक्स अफिसमा सर्वाधिक कमाइको रेकर्ड बनाएको फिल्म ‘पूर्ण बहादुरको सारङ्गी’को निर्माता कम्पनी सेभेन सिज सिनेमाका विनोद पौडेलले नयाँ फिल्मको रुपमा ‘अभिमन्यु’ निर्माणको घोषणा गरेका छन् । आइतबार थिम पोस्टर सार्वजनिक गर्दै फिल्मको शीर्षकसहित आगामी साउन २४ गतेलाई प्रदर्शन मिति समेत घोषणा गरिएको छ । फिल्मलाई सुशान्त गौतमले निर्देशन गर्नेछन् ।

‘कबड्डी’ जोडी दयाहाङ राई र विजय बराललाई मुख्य भूमिकामा लिएर बन्न लागेको फिल्म ‘वरिष्ठ बलराम’को शुभ मुहूर्त गरिएको छ । आइतबार बिहान काठमाडौंको बुढानीलकण्ठ मन्दिरमा मुहूर्त पूजा गरेपछि फिल्मको टिम छायांकनका लागि तराई प्रस्थान गरेको छ । फिल्मको छायांकन चितवन र हेटौंडासहित तराईका विभिन्न जिल्लामा गरिने निर्देशक सुरेन्द्र पौडेलले जानकारी दिए ।

गत बुधबार अर्थात् शिवरात्रिको दिनबाट प्रदर्शनमा आएको फिल्म ‘फेरि रेशम फिलिली’को नयाँ गीत ‘कैले घाममा कैले छायाँमा’ सार्वजनिक गरिएको छ । फिल्म प्रदर्शनको चौथो दिन सार्वजनिक गरिएको गीतमा कल्याण सिंहको संगीत र हर्क साउदको शब्द रचना छ भने सुगम पोखरेलको गायन छ । कथा खुल्ने डरले निर्माण टिमले यो गीत फिल्म रिलिजअघि सार्वजनिक नगरेको हो ।

शिवरात्रिको अवसर पारेर गत बुधबारदेखि प्रदर्शनमा आएको फिल्म ‘मायावी’ घरेलु बक्स अफिसमा अपेक्षित रुपमा चल्न सकेको छैन । शनिबारसहित तीन दिनको विदामा एकाध शोहरु हाउसफुल भए पनि धेरै शो दर्शक अभावले रद्द हुन पुगे । आइतबारबाट फिल्मको अकुपेन्सी झनै दयनीय बनेको देखिन्छ । फिल्मले दर्शकको अपेक्षित साथ नपाएपछि निर्माण टिममा निराशा छाएको छ ।

निर्देशक दिनेश राउतले आफ्नो नयाँ फिल्म ‘महाभोज’को छायांकन सकाएका छन् । कास्कीको घाचोकपछि काठमाडौंमा अन्तिम चरणको छायांकन गर्दै ३५ दिनमा शुक्रबार फिल्म प्याकअप भएको हो । इन्डक्ल्यापमा फिल्मका मुख्य अभिनेता खगेन्द्र लामिछाने र अभिनेत्री अञ्जना बराइलीको दृश्य खिचिएको थियो । फिल्मको घाचोकमा ३३ दिन र काठमाडौंमा २ दिन छायांकन भएको हो ।