Nepal's No.1 Filmy Web Magazine
यही जेठ २५ गतेबाट प्रदर्शनमा आउने तयारीमा रहेको ट्राभल-लभस्टोरी फिल्म ‘लण्डन टू पेरिस’को नयाँ गीत सार्वजनिक गरिएको छ । शुक्रबार सार्वजनिक ‘चाहन्छु यो माया’ बोलको प्रेमिल भावको गीतमा अभिनेत्री साम्राज्ञी आरएल शाह र डेब्यु अभिनेता निश्चल खड्काबीचको चिसो सम्बन्धलाई देखाइएको छ । यस गीतमा निश्चलप्रति नव-अभिनेत्री गरिमा शर्माको प्रेम आशक्ति पनि देखिन्छ ।
आगामी असार ७ गतेबाट प्रदर्शनमा आउन लागेको फिल्म ‘दान्भी’को पहिलो गीत ‘मायाको खानी’ सार्वजनिक गरिएको छ । सुरेश लामा र ममता गुरुङको स्वर, अर्जुन पोखरेलको संगीत तथा प्रदिप प्रखर पोखरेलको शब्द रचना छ । गीतको भिडियोमा फिल्मकी मुख्य अभिनेत्री पूजा शर्मा र डेब्यु अभिनेता कुन्साङ बोमजन रोमान्टिक भावमा चित्रित छन् । गीतले उनीहरुको प्रेमभाव बोल्छ ।
गत फागुनमा निधन भएका गायक भक्तराज आचार्यको जीवनीमा आधारित फिल्म ‘आचार्य’ १३ वर्षपछि पुनः प्रदर्शन गरिने भएको छ । शुक्रबार काठमाडौंमा एक कार्यक्रमबीच आगामी असार ७ गते फिल्मलाई पुनः प्रदर्शन गरिने जानकारी गराइयो । फिल्मलाई नेपाल तथा विदेशमा एकसाथ प्रदर्शन गरिनेछ । नेपालमा ब्यांकटेस इन्टरटेनमेन्ट र विदेशमा सेभेन सिजले फिल्म प्रदर्शन गर्नेछ ।
अभिनेता आर्यन सिग्देल ब्राह्मण (पुजारी) परिवारमा जन्मिए । पूजापाठको माहोलमा हुर्किए । उनका बुबा पण्डित हुन् । तर, उनमा पूजापाठको केही गुण थिएन । न यसमा कुनै रुचि थियो । भगवान् बाहिर होइन, आफ्नै मनमा छन् भन्ने कुरामा बढी विश्वास लाग्छ उनलाई । तर, यही जेठ १० गतेदेखि प्रदर्शनमा आउन लागेको फिल्म ‘पूजार सार्की’मा आर्यन पूजापाठ गर्ने ब्राह्मण चरित्रमा छन् ।
फिल्मको सफलता र असफलता कलाकारको मुठ्ठीमा हुँदैन । तर, त्यसले करिअरमा भने ठूलै प्रभाव पार्छ । फिल्मको सफलताले अगाडिको यात्रा सहज बनाउन भूमिका खेल्छ भने असफलताले संकटमा पर्ने खतरा हुन्छ । यसैले हरेक कलाकारलाई फिल्मको सफलताको दबाब रहन्छ । झन् पहिलो फिल्म छ भने त यसको दबाब अझ चर्को हुन्छ । यद्यपि, अभिनय पनि अर्थपूर्ण मानिन्छ ।
अभिनयको हिसाबले अभिनेत्री परीक्षा लिम्बूको तेस्रो फिल्म हो, ‘पूजार सार्की’ । यसअघि उनले ‘जारी’ र ‘छक्का पञ्जा’मा सहायक भूमिकामा काम गरेकी थिइन् । यी दुई फिल्म व्यावसायिक रुपमा सफल भए पनि उनी दर्शकको ठूलो वर्गमा भने चिनिन सकेकी थिइनन् । अब ‘पूजार सार्की’बाट उनलाई ठूलो अपेक्षा छ । यसमा उनले अभिनेता प्रदीप खड्काको जोडी भएर काम गरेकी छन् ।
