Nepal's No.1 Filmy Web Magazine

निर्देशक मिलन चाम्सले भारतीय सिनेमा हलमा प्रदर्शन गर्ने उद्देश्यसहित २ वर्ष अगाडि फिल्म ‘वीर विक्रम २’ को हिन्दीमा डबिङ गरेका थिए । फिल्म प्रदर्शनका लागि उनले केही वितरक कम्पनीसँग छलफल पनि गरे । तर, कोरोनाको पहिलो लहर सुरु भएसँगै फिल्म प्रदर्शन हुन पाएन । अबको एक महिनाभित्र फिल्मलाई यूट्युब च्यानलमा रिलिज गर्ने तयारीमा निर्देशक चाम्स रहेका छन् ।

फिल्म ‘नाईं नभन्नू ल ४’ बाट अभिनेत्रीको रुपमा सुखद डेब्यू गरेकी वर्षा राउतले संख्यात्मक रुपमा आधा दर्जन बढी फिल्ममा अभिनय गरिसकेकी छन् । तर, ‘जात्रा’ सिरिजबाहेक उनी सोलो अभिनेत्री रहेका फिल्म बक्सअफिसमा सफल छैनन् । ‘मेरो पैसा खोई ?, गोपी, चौका दाउ’ जस्ता फिल्म डिजास्टर हुँदा संकटमा परेको उनको करिअरलाई ‘जात्रा’ सिरिजले उकासेको थियो । 

फिल्मकर्मी रेशम जंग शाहले गैरआवासीय नेपाली संघ (एनआरएनए) को आसन्न न्यूयोर्क राज्यको सचिव पदमा उम्मेदवारी घोषणा गरेका छन् । उनले एनआरएनएमा हुने गरेका विकृति विसंगतिविरुद्ध आवाज उठाउन र संगठनलाई अनुशासित, मर्यादित र व्यवस्थित बनाउन आफूले उम्मेदवारी दिएको बताएका छन् । उनी सन् २०१८ मा आप्रवासी भिसामा अमेरिका गएका थिए ।

सन् २०२० मा रिलिज भएको साउथ सुपरस्टार सूर्या अभिनीत फिल्म ‘सोरारई पोटरु’ (उडान) लाई दर्शकको तर्फबाट सानदार प्रतिक्रिया मिलेको थियो । फिल्ममा नीदुमारनको भूमिका निर्वाह गरेर सूर्याले दर्शकमाझ आफ्नो जादू छर्न सफल भएका थिए । यो फिल्म आर्मीबाट रिटायर्ड क्याप्टेन गोपीनाथको जीवनमा आधारित छ । फिल्म अस्कारको केही विधामा समेत चुनिएको थियो ।

नेपाली फिल्ममा आफूलाई स्थापित गर्न संघर्षरत अभिनेत्री मिरुना मगरको जन्म हङकङमा भएको हो । अहिले परिवारसँग बेलायतमा बस्दै आएकी उनी १३ वर्षसम्म धरानमा बसेकी थिइन् । आमा शशी थापा सुब्बाले लामो समय नाट्यकर्ममा विताएकाले उनलाई बाल्यकालदेखि नै अभिनयप्रति रुची थियो । नेपाल बसाईको क्रममा उनले अनुप बरालबाट अभिनयको कोर्ष लिइन् ।