Nepal's No.1 Filmy Web Magazine

नेपाली फिल्ममा प्रायः भिलेनको भूमिकामा निर्वाह गर्दै आएका रोबिन तामाङ हिन्दी सिरिजमा पनि देखिएका छन् । उनले अभिनय गरेको हिन्दी सिरिज ‘द लास्ट आवर’ शुक्रवारबाट ओटीटी प्लेटफर्ममा प्रिमियर भएको छ । ‘पे पर भ्यू’ मार्फत् अमेजन प्राइम भिडियोमा सार्वजनिक भएको सिरिजमा उनी भिलेनको भूमिकामा छन् । उनलाई सिरिजको ट्रेलरमा भने स्थान दिइएको थिएन ।

अभिनेता सलमान खान अभिनीत फिल्म ‘राधे : योर मोस्ट वान्टेड भाई’ इदको छेको पारेर बिहीवारबाट सिनेमा हलसँगै ओटीटी प्लेटफर्म जी फाइभमा रिलिज भएको छ । फिल्मले रिलिजको पहिलो दिन नै ४.२ मिलियन भ्यूजको इतिहास बनाएको छ । एकातिर सलमान यो उपलब्धिबाट हर्षित छन् भने अर्कोतिर फिल्म अनलाइनमा पाइरेसी भएपछि तनावमा पनि देखिएका छन् । 

कोरोना संक्रमण भयावह रुपमा फैलिन थालेपछि देशभरका सरकारी तथा नीजि अस्पतालमा अक्सिजनको चर्को अभाव देखिएको छ । पहुँच नहुने र आर्थिक अवस्था कमजोर हुने कोरोनाका बिरामीले अक्सिजन नपाएरै ज्यान गुमाउनु परेको छ । अस्पतालमा अक्सिजनको अभाव भएको खबर सार्वजनिक हुन थालेपछि नेपाली कलाकारहरुले सहयोगका लागि हात अगाडि बढाएका छन् ।

फिल्म निर्देशक, गीतकार तथा उपन्यासकार चेतन कार्कीको निधन भएको छ । आइतवार काठमाडौंको छाउनीस्थित सैनिक अस्पतालमा उनको ८४ वर्षको उमेरमा निधन भएको हो । बैशाख १६ गते भारतको देहरादूनबाट काठमाडौं आएका उनलाई ज्वरो आएपछि अस्पताल भर्ना गरिएको थियो ।​ उनको आइतवार विहान १० बजे निधन भएको पारिवारिक स्रोतले जानकारी दिएको छ ।

अमेरिकाका पूर्व राष्ट्रपति बाराक ओबामाले नेटफ्लिक्ससँग सहकार्य गरेर नेपालमा रहेको विश्वको सर्वोच्च शिखर सगरमाथा आरोहण गर्ने विश्वकै पहिलो नेपाली तेन्जिङ नोर्गे शेर्पाको जीवनीमा फिल्म निर्माण गर्दैछन् । यसका लागि मुख्य पात्रको खोजी सुरु भएको छ । अष्ट्रेलियाको प्रख्यात कास्टिङ कल कम्पनी डेनीलङले तेन्जिङ नोर्गेको भूमिकाका लागि अडिसन आह्वान गरेको हो ।

कोरोना संक्रमितको संख्या बढेसँगै नेपालमा अक्सिजन ग्यासको खपत ह्वात्तै बढेको छ । छिमेकी मुलुक भारतमा अक्सिजन अभावको समाचार आइरहँदा नेपालमा पनि अक्सिजन अभाव हुनसक्ने त्रासले सिलिण्डर ‘होल्ड’ हुन थालेपछि अस्पतालमा उपचारार्थ कोरोनाका बिरामीले अक्सिजन पाउन सकेका छैनन् । कति कोरोना संक्रमितले अक्सिजन नपाएरै ज्यान गुमाएका छन् ।