Nepal's No.1 Filmy Web Magazine
अभिनेत्री सुमिना घिमिरे कुनै समय लाइमलाइटमा थिइन् । ‘स्क्यान्डल क्विन’ को रुपमा चिनिएकी उनको एकताका फिल्म बजारमा अन्य अभिनेत्रीको भन्दा ठूलो नाम सुनिन्थ्यो । आफ्नो एक दशक लामो फिल्मी करिअरमा कहिल्यै विवादबाट ओझेल नभएकी उनले फिल्म ‘दुलही’ बाट अभिनेत्रीको रुपमा डेब्यू गरेकी थिइन् । उनले केही फिल्ममा बोल्ड भूमिका समेत निर्वाह गरेकी छन् ।
कोरोना भाइरसको दोस्रो लहर सुरु भएसँगै नेपाली फिल्म क्षेत्र ठप्प छ । फिल्म निर्माण, प्रदर्शन र वितरण सम्बन्धि सबै कार्य रोकिँदा दिनहुँ श्रम गरेर परिवारको गुजरा चलाउने प्राविधिकहरु समस्यामा परेका छन् । चलचित्र प्राविधिक संघका १५ सय सदस्यमध्ये प्रायः प्राविधिकको अवस्था दयनीय रहेको संघले जनाएको छ । कसैको घरमा त चुल्हो समेत बल्न छाडिसकेको छ ।
कोरोना भाइरस र निषेधाज्ञाका कारण फिल्म प्राविधिकहरुको घरमा चुल्हो बल्न छाडेको खबर सुनेपछि अभिनेत्री सुमिना घिमिरेले खाद्यान्न सहयोग गरेकी छन् । बुधवार जडिबुटीमा उनी र उनका श्रीमान रोशन सापकोटाले चलचित्र प्राविधिक संघका अध्यक्ष पुष्कर लामालाई खाद्यान्न हस्तान्तरण गरे । उनीहरुले चालिस जना प्राविधिकलाई एक महिनासम्म पुग्ने रासन सहयोग गरेका हुन् ।
ईदमा रिलिज भएको अभिनेता सलमान खान अभिनीत फिल्म ‘राधे : योर मोस्ट वान्टेड भाई’ लाई दर्शक र समीक्षकबाट मिश्रित प्रतिक्रिया मिलेको छ । सलमानका प्रशंसकले फिल्म रुचाएका छन् भने समीक्षकले जमेरै आलोचना गरेका छन् । तर, फिल्मले रिलिजको पहिलो दिन नै १ सय ८ करोड कमाएको थियो । फिल्म सिनेमा हल र ओटीटी प्लेटफर्ममा एकसाथ रिलिज भएको हो ।
कोरोना भाइरस र यसका कारण जारी निषेधाज्ञाका कारण गरिब, असाहाय, वृद्ध, अपाङ्गहरुलाई आश्रय दिँदै आएका संस्थाहरु समस्यामा परेका छन् । सामान्य अवस्थामा विभिन्न मनकारी व्यक्तिहरुको सहयोगले चल्दै आएका आश्रमहरुमा कोरोनाको दोस्रो लहरसँगै खाद्यन्न लगायतका सामाग्रीको अभाव हुन थालेको छ । जसले गर्दा आश्रमहरु सहयोगी हातको पखाईमा बसेका छन् ।
मुलुक यतिबेला कोरोना महामारीसँग लडिरहेको छ । दिनहुँ संक्रमणको ग्राफ उकालो लाग्दो छ । यसबाट मृत्यु हुनेको संख्या दिनमै २ सय नाघ्न थालेको छ । अस्पतालमा कोरोनाका बिरामीले अक्सिजन पाउन सकेका छैनन् । अक्सिजनको अभावमा कयौं बिरामीले ज्यान गुमाएका छन् । यस्तो विपत्तिको समयमा जनताको सहारा बन्नु पर्ने राजनीति खिचातानीको भूमरीमा फसेको छ ।
