Nepal's No.1 Filmy Web Magazine
कोरोनाको दोस्रो लहर फैलिएसँगै सरकारले गत बैशाखमा फिल्म निर्माण र प्रदर्शनमा अनिश्चितकालका लागि प्रतिबन्ध लगायो । संक्रमण दर घटेको भन्दै निषेधाज्ञा खुकुलो बनाइएपछि भीडभाड हुने विभिन्न क्षेत्र खुलेका छन् । तर, फिल्म क्षेत्रका गतिविधि सुचारु गर्ने विषयमा सरकारले चासो दिएको छैन । सरकारको उदासिनताले फिल्म क्षेत्र थप धरासायी हुने अवस्थामा पुगेको छ ।
बलिउड सुपरस्टार शाहरुख खानले आफ्नी छोरी सुहानालाई अभिनेत्री बन्न इच्छा रहेको बताउँदै आएका छन् । धेरै फिल्मबाट उनलाई प्रस्ताव आए पनि शाहरुखले अनुमति दिइसकेका छैनन् । यसैक्रममा, निर्देशक जोया अख्तरले सुहानालाई फिल्ममा डेब्यू गराउने तयारी थालेकी छन् । अहिले उनी इन्टरनेशनल कमिक बुक ‘आर्ची’ को इन्डियन एडेप्टेशनमाथि काम गरिरहेकी छन् ।
अभिनेता अनमोल केसी रिर्जभ बस्न रुचाउँछन् । आफ्नो बारेमा गलत हल्ला फैलिँदा समेत उनी त्यसको प्रतिवाद गर्न हतारिँदैनन् । काम विशेषबाहेक उनी मिडियासँग पनि ठोकिँदैनन् । पछिल्लो समय उनको बोली र व्यवहारमा आएको परिवर्तनले धेरैलाई आश्चर्यमा पार्ने गरेको छ । भगवान कृष्णको ठूलो भक्त बताउने उनी हप्तामा एकपटक कृष्ण मन्दिरमा दर्शन गर्न पुगेकै हुन्छन् ।
कोरोना महामारीका कारण लामो समयदेखि बन्द रहेका सिनेमा हल खुल्ने निश्चित नहुँदा निर्माण सकिएका फिल्मले प्रदर्शन मिति घोषणा गर्न सकेका छैनन् । सिनेमा हल खुलिहाले पनि तत्काल दर्शकहरु हलसम्म आउने ग्यारेन्टी छैन । किनकि, अझै पनि मानिसमा कोरोनाको भय कायमै छ । यस्तो अवस्थामा कहिलेसम्म फिल्म थन्काएर राख्ने भन्ने प्रश्नले धेरै निर्मातालाई पिरोलेको छ ।
अभिनेता खगेन्द्र लामिछाने छोरीको पिता बनेका छन् । बुधवार विहान उनकी श्रीमती रोजिना सिटौलाले छोरीलाई जन्म दिएकी हुन् । खगेन्द्रले सामाजिक सञ्जालमा छोरीको एक तस्विर पोस्ट गर्दै आफू पिता बनेकोमा खुसी व्यक्त गरेका छन् । उनले लेखेका छन्, ‘यो दुनियाँमा स्वागत छ छोरी ।’ सामाजिक सञ्जालमा खगेन्द्र र रोजिनालाई बुबा-आमा बनेकोमा बधाईको ओइरो लागेको छ ।
नेपालकै सबैभन्दा ठूलो एक्सन-थ्रिलर फिल्म दाबी गरिएको ‘एक्स ९’ मा कलाकारको लाइनअप बलियो बन्दै गएको छ । गत हप्ता अभिनेता द्वय अनमोल केसी र सौगात मल्ल फिल्ममा अनुबन्ध भएसँगै निर्माण टिमले अरु कलाकारसँग पनि कागजी सम्झौताको प्रक्रिया अगाडि बढाएको छ । यसैक्रममा, सोमवार अर्का अभिनेता राज कटुवाल फिल्ममा आधिकारिक रुपमा भित्रिएका छन् ।
