Nepal's No.1 Filmy Web Magazine
राजेश हमालले नेपाली फिल्ममा पाइला टेक्दा संख्यात्मक रुपमा एक दर्जन फिल्म पनि बनेका थिएनन् । फिल्म ‘युगदेखि युगसम्म’ बाट डेब्यू गर्दैगर्दा उनलाई दोस्रो फिल्म कहाँबाट आउँछ भन्नेसम्म थाहा थिएन । उनले अँध्यारो कुवामा हामफालेका थिए । दुई वर्षको पखाईपछि उनले दोस्रो फिल्म पाए, ‘देउता’ । यो फिल्मपछि त उनले करीब दुई दशक फुर्सदको सास पनि फेर्न पाएनन् ।
तीन वर्षअघि भारतको देहरादूनमा सवारी दुर्घटनामा परेर गम्भीर घाइते भएकी अभिनेत्री निशा घिमिरेको गत जेठदेखि नर्भिक अस्पतालमा उपचार भइरहेको छ । तर, उनको स्वास्थ्य अवस्था अझै स्थिर रहेको अस्पतालले जनाएको छ । मंगलवार आयोजित पत्रकार सम्मेलनमा निशाको उपचारमा संलग्न डा. पंकज जलानले तीन महिनामा उनको स्वास्थ्यमा खासै सुधार नआएको बताए ।
बलिउड अभिनेत्री दीपिका पादुकोणले हलिउडमा समेत आफ्नो उपस्थिति जनाइसकेकी छन् । उनले ‘एक्सएक्सएक्स’ फिल्मबाट हलिउडमा डेब्यू गरेकी थिइन् । यसपछि बलिउड फिल्ममै व्यस्त रहेकी उनी फेरि हलिउड फिल्ममा काम गर्ने तयारीमा छन् । अमेरिकाको फिल्म निर्माण कम्पनी ‘एसटिएक्स फिल्म्स्’ ले दीपिकालाई लिएर एक रोमान्टिक-कमेडी फिल्म बनाउन लागेको हो ।
सूर्य एन श्रेष्ठको निर्देशनमा बनेको फिल्म ‘लाइफ इन एलए’ को पहिलो गीत सार्वजनिक भएको छ । सोमवार ललितपुरस्थित लबिङ मलमा रहेको क्यूएफएक्स हलमा एक कार्यक्रमका बीच निर्माण टिमले फिल्ममा समावेश ‘पागल प्रेमी’ बोलको रोमान्टिक गीत सार्वजनिक गरिएको हो । यस गीतमा प्रताप दास र कविता श्रेष्ठको स्वर, सुन्दर पन्थको शब्द र एलिस कार्कीको संगीत छ ।
मनोज पण्डितको निर्देशनमा बनेको फिल्म ‘एक’ को ट्रेलर सार्वजनिक भएको छ । ट्रेलरमा राजनीतिमार्फत देश टुक्राउन लागि परेको शक्तिविरुद्धको कथा प्रस्तुत गरिएको छ । विदेशी षड्यन्त्रबाट नेपाललाई जोगाउन विशेष गुप्तचर निकाय (रअ) जतिसक्दो चाँडो स्थापित गर्नुपर्छ भन्ने तथ्यलाई स्थापित गर्न यो फिल्मले ‘सीएसआई’ नामक एउटा जासूसी निकायको परिकल्पना गरेको छ ।
‘भेराइटी म्यागजीन’ ले गत वर्ष सर्वाधिक कमाई गर्ने हलिउड कलाकारको सूची सार्वजनिक गरेको छ । जसमा ‘जेम्स बोन्ड’ एक्टर डेनियल क्रेगले कमाईमा सबैलाई उछिनेका छन् । उनले सय मिलियन डलरको कमाई गरेका छन् । फिल्म ‘नाइभ्स आउट’ मा लिएको पारिश्रमिकका कारण उनलाई पहिलो स्थान मिलेको हो । उनी अभिनीत फिल्म ‘नो टाइम टू डाइ’ रिलिजको तयारीमा छ ।
