Nepal's No.1 Filmy Web Magazine

छिमेकी मुलुक भारतको क्षेत्रिय भाषाको भोजपुरी फिल्म इन्डस्ट्रीमा नेपाली कलाकारहरुको उपस्थिति बाक्लिँदै गएको छ । कुनै बेला अभिनेता विराज भट्टले हैकम जमाएको भोजपुरी फिल्ममा धेरै नेपाली कलाकारदेखि प्राविधिकसम्मले काम गरिसकेका छन् । यस्तैमा, फिल्म ‘हमेशा’बाट अभिनेताको रुपमा डेब्यू गरेका नरेन खड्काले पनि भोजपुरी फिल्म ‘रण’मा अभिनय गरेका छन् । 

सोमवार क्यालिफोर्नियास्थित लस-एन्जल्सको डल्बी थिएटरमा भएको विश्वकै प्रतिष्ठित फिल्म अवार्ड ओस्कारमा ‘किङ रिचर्ड’ बाट विल स्मिथ र ‘द आइज अफ ट्यामी फेइ’ बाट ज्यासिका च्यास्टेन उत्कृष्ट अभिनेता र अभिनेत्री घोषित भएका छन् । त्यस्तै, ‘कोडा’ ले बेष्ट फिल्मको अवार्ड जित्न सफल हुँदा ‘द पावर अफ द डग’ बाट जेनी क्याम्पियनले सर्वोत्कृष्ट निर्देशकको अवार्ड उचालिन् ।

साउथ फिल्म ‘आरआरआर’पछि विश्वमा यदी कुनै फिल्मको हदभन्दा बढी प्रतिक्षा भइरहेको छ भने त्यो ‘केजीएफ : च्याप्टर २’ हो । यसको पहिलो श्रृंखलाले बक्सअफिसमा उछाल ल्याएको थियो । अब दोस्रो पार्ट (सिक्वेल) तुफान ल्याउने तयारीमा छ । आइतवार सार्वजनिक भएको ट्रेलरले फिल्मलाई थप बहुप्रतिक्षीत बनाएको छ । २ मिनेट ५७ सेकेन्ड लम्बाईको ट्रेलर धमाकेदार बनेको छ । 

चैत १८ गतेबाट प्रदर्शनमा आउन लागेको फिल्म ‘हेल्लो जिन्दगी’को गीतमा बलिउडका विष्णु देवाले कोरियोग्राफी गरेका छन् । ‘रामलीला’, ‘दबंग २’, ‘एक्सन ज्याक्सन’, ‘बडिगार्ड’ जस्ता फिल्मका गीतमा कोरियोग्राफी गरिसकेका उनले ‘हेल्लो जिन्दगी’को सम्पूर्ण गीतमा कोरियोग्राफी गरेका छन् ।

बलिउड अभिनेता आमिर खानले कोरोना महामारीको समयमा आफूले अभिनय छाड्ने निर्णय गरेको खुलासा गरेका छन् । तर, उनले यो कुरा त्यसबेला यसकारण खुलाएनन् कि यसलाई मानिसहरुले ‘लाल सिंह चड्ढा’को रिलिजभन्दा पहिलाको ‘मार्केटिङ स्कीम’ भन्ने सक्थे । फिल्मले व्यक्तिगत जीवनमा नसोचेको असर गर्न थालेपछि अभिनय छाड्ने सोचमा पुगेको आमिर बताउँछन् ।

कोरोना महामारीका कारण पटक-पटक सिनेमा हल बन्द हुँदा दुई वर्षसम्म तीन दर्जनभन्दा बढी फिल्म रिलिज हुन नपाएर थन्किए । महामारीकै समयमा अर्को एक दर्जन बढी फिल्म निर्माण भए र अहिले पनि फिल्म निर्माणको क्रम रोकिएको छैन । जसले गर्दा आउँदो वर्ष नेपाली फिल्मले सोलो रिलिज पाउने सम्भावना कम हुँदै आएको छ । अब नेपाली फिल्मबीच नै भिडन्त हुने देखिन्छ ।