Nepal's No.1 Filmy Web Magazine

अभिनेता गौरव विष्ट दर्शकमाझ उति धेरै परिचित भइसकेका छैनन् । यद्यपि, उनीसँग अभिनयको भने लामो अनुभव छ । रंगमञ्च हुँदै फिल्म अभिनयमा होमिएका उनले दुई वर्षको अन्तरालमा करिब आधा दर्जन फिल्ममा काम गरिसकेका छन् । २०८० सालमा प्रदर्शन भएको फिल्म ‘परस्त्री’बाट उनले अभिनेताका रुपमा डेब्यू गरेका थिए । 

गुरुप्रसाद मैनालीको ‘नासो’ कथासङ्ग्रहमा सङ्ग्रहित कथा ‘परालको आगो’ स्कुले जीवनमा नपढ्ने र नसुन्ने विरलै नेपाली होलान् । श्रीमान्-श्रीमतीको झगडामा आधारित यो कथामा नाटकदेखि फिल्मसम्म बनेका छन् । ४५ वर्षअघि निर्देशक प्रताप सुब्बाले उक्त कथामा फिल्म बनाएका थिए । एकपटक फेरि त्यही कथा र नाममा नयाँ फिल्म बनेको छ, जुन भोलि शुक्रबार प्रदर्शन हुँदैछ ।

गत वर्षको ब्लकबस्टर फिल्म ‘परान’का निर्देशक दीपकप्रसाद आचार्य ‘काकु’को निर्देशनमा बन्न लागेको नयाँ फिल्म ‘चिरञ्जीवी भवः’मा अभिनेता आशीर्वाद क्षेत्रीको प्रवेश भएको छ । बुधबार निर्माताले उनलाई फिल्मको मुख्य भूमिकामा अनुबन्धित गरेका हुन् । यसमा उनको जोडी मोडल तथा इन्फ्लुएन्सर प्रशंसा रायमाझीसँग बाँधिनेछ । 

बलिउड अभिनेता रितेश देशमुखको महत्वाकांक्षी फिल्म मानिएको ‘राजा शिवाजी’ नेपालमा पनि प्रदर्शन हुने भएको छ । नेपालका लागि फिल्मको वितरण अधिकार नेओम फिल्म्सका कश्यप नरेन्द्र वेद र नवीन उदासले लिएका हुन् । मराठा साम्राज्यका संस्थापक छत्रपति शिवाजीको जीवनमा आधारित यो फिल्म मे १ (वैशाख १८ गते) प्रदर्शनमा आउँदैछ । 

कुनै समय थियो, निर्देशक तुलसी घिमिरेको नाम मात्रैले पनि फिल्म चल्थ्यो । उनका फिल्मले निराश बनाउँदैन भन्ने विश्वासमा दर्शक हलसम्म पुग्थे । यसैले त २ दशकअघि उनका हरेक फिल्मले व्यापारमा कीर्तिमान बनाउँथे । तर, अहिले समय फेरिएको छ । दर्शक फेरिएका छन् । फिल्ममा कथा भन्ने शैली फेरिएको छ । जसको असर उनको फिल्ममा पनि परिरहेको छ । 

आधुनिक कथाका प्रणेता मानिने गुरुप्रसाद मैनालीको ‘नासो’ कथासङ्ग्रहमा सङ्ग्रहित ‘परालको आगो’ कथाबाट प्रेरित भएर बनेको सोही नामको फिल्म यही शुक्रबार (११ वैशाख)बाट प्रदर्शनमा आउँदैछ । गीतदेखि टिजर-ट्रेलरसम्मले दर्शकमा बढाएको कौतुहलता र बलियो ‘स्टारकास्ट’का कारण फिल्मले घरेलु बक्स अफिसमा सुखद व्यापार गर्ने अपेक्षा गरिएको छ ।