Nepal's No.1 Filmy Web Magazine
सुरज पाण्डेको निर्देशनमा बन्न लागेको फिल्म ‘परस्त्री’को प्रदर्शन मिति घोषणा गरिएको छ । आइतवार ललितपुरको बंगलामुखी मन्दिरमा शुभमुहूर्त गर्दै आगामी तिहारलाई लक्षित गर्दै कात्तिक ६ गतेलाई फिल्मको प्रदर्शन मिति घोषणा गरिएको हो । मुहूर्तसँगै फिल्मको छायांकनका लागि निर्माण टिम मुस्ताङतर्फ हिँडेको छ । मुस्ताङमा गीत मात्र खिचिने निर्देशक पाण्डेले जानकारी दिए ।
आगामी हप्ता रिलीज हुने नेपाली फिल्म ‘चिसो एष्ट्रे’को अष्ट्रेलिया रिलीजको लागि करिब २७ लाख नेपाली रुपैयाँ (३० हजार अष्ट्रेलियन डलर)मा अधिकार बिक्रि भएको बताईएको छ । निर्माण कम्पनी कंगारु क्रिएसन र लोकल सिनेमाले अष्ट्रेलियाको कमेरो इभेन्ट्सलाई फिल्म रिलीज अधिकार दिएका हुन् ।
थिएटरको क्षेत्रमा स्थापित नाम हो, दिव्य देव । ‘ह्यामलेट’, ‘लुक ब्याक इन एंगर’, ‘सान्दाजुको महाभारत’, ‘सेम टाइम नेक्स्ट इयर’ जस्ता नाटकमा आफ्नो अभिनय कौशल देखाइसकेका उनले केही फिल्ममा काम पनि गरेका छन् । नाटकमा संघर्ष गरिरहँदा उनले फिल्म ‘चिसो एष्ट्रे’मा अभिनय गरेका थिए । निर्माणको करीब ७ वर्षपछि चैत ४ गतेबाट यो फिल्म प्रदर्शनामा आउँदैछ ।
