Nepal's No.1 Filmy Web Magazine
फिल्म ‘कबड्डी ४’की अभिनेत्री मिरुना मगरले आफूमाथि दुर्व्यवहार गरेको भन्दै आइतवार सिभिल हलमा फुर्वा तामाङ (बौद्ध भिक्षु) लाई थप्पड हानेर प्रहरीको जिम्मा लगाएपछि तामाङ समुदायले विरोध जनाएका छन् । मंगलवार काठमाडौंको चाबहिलमा फुर्वाको रिहाइको माग गर्दै मिरुना मगर र ‘कबड्डी ४’विरुद्ध प्रदर्शन भएको छ । त्यस्तै, फिल्मको पोस्टर समेत जलाइएको छ ।
फिल्म ‘कबड्डी ४ : द फाइनल म्याच’को सफलताले अभिनेत्री मिरुना मगरको खुशीको सीमा छैन । करिअरमा पहिलो पटक उनले सफलताको सुःख पाएकी हुन् । डेब्यू फिल्म ‘लालपूर्जा’यता उनी अभिनीत फिल्म सफल हुन सकेका थिएनन् । पहिलो पटक आफ्नो फिल्मले बक्सअफिसमा रेकर्डतोड व्यापार गरेपछि उनी विभिन्न सिनेमा हलहरुमा पुगेर दर्शकसँग खुशी साटिरहेकी छन् ।
शुक्रवारबाट प्रदर्शनमा आएको फिल्म ‘कबड्डी ४’को प्रतिक्रिया बुझ्न अभिनेत्री मिरुना मगर आइतवार काठमाडौंको सिभिल हलमा पुगेकी थिइन् । त्यहाँ उनीसँग सेल्फी खिच्न दर्शकहरु ओइरिएपछि भीड अस्तव्यस्त बन्यो । यसैक्रममा फुर्वा तामाङ नामका एक बौद्ध भिक्षुले उनलाई पिठ्यूमा छुन पुग्छन् र मिरुनाले आफूमाथि दुर्व्यवहार गरेको भन्दै ती व्यक्तिलाई गालामा थप्पड हान्छिन् ।
आइतवारबाट काठमाडौंको जमलस्थित राष्ट्रिय नाचघरमा ‘१०औं नेपाल अफ्रिका फिल्म फेस्टिभल २०२२’ सुरु भएको छ । नेपालसहित १५ देशका २६ फिल्महरु सहभागी महोत्सव मंगलवार (भोली) सम्म जारी रहनेछ । महोत्सवको उद्घाटन गर्दै चलचित्र विकास बोर्डका अध्यक्ष दयाराम दाहालले अफ्रिका जस्तै देशबाट फिल्म संकलन गरेर नेपालमा महोत्सव गर्नु सराहनीय कार्य रहेको बताए ।
नेपाली फिल्ममा एक्सन अभिनेत्रीको खडेरी छ । अभिनेत्री रेखा थापापछि एक्सन फिल्म धान्ने अभिनेत्री जन्मिएका छैनन् । केहीले एक्सन अवतारमा आफूलाई ढाल्ने प्रयास गरे पनि सफल हुन सकेनन् । एक्सन भूमिकामा प्रस्तुत हुन ठूलो मेहेनत गर्नुपर्ने भएकाले पनि एक्सन फिल्म हत्तपत्त अभिनेत्रीहरुको रोजाईंंमा पर्दैन । यसैले नेपालमा महिला प्रधान एक्सन फिल्म बन्नै छाडेको अवस्था छ ।
फिल्म ‘लम्फू’बाट अभिनेताको रुपमा डेब्यू गरेका कबीर खड्काको हातमा नयाँ फिल्म परेको छ । उनी लभस्टोरी फिल्म ‘लण्डन टु पेरिस’मा अनुबन्ध भएका हुन् । केही दिन अगाडि उनीसँग निर्माण टिमले कागजी सम्झौता गरेको हो । अहिले उनी कान्तिपुर फिल्म एकेडेमीमा वर्कसप गरिरहेका छन् । अभिनेता खड्काले अभिनय गरेकोे दोस्रो फिल्म ‘गुञ्जन’ प्रदर्शनको पखाईमा छ ।
