Nepal's No.1 Filmy Web Magazine
शुक्रवारबाट प्रदर्शनमा आएको फिल्म ‘कबड्डी ४ : द फाइनल म्याच’ले ५ दिनमा १२ करोड ग्रस कलेक्सन गरेको वितरक मनोज राठीले बताएका छन् । प्रदर्शनको चार दिनसम्मको कमाई साढे १० करोड रहेको जानकारी दिँदै उनले मंगलवार पनि फिल्मले देशभर डेढ करोड ग्रस कलेक्सन गरेको बताए । पहिलो हप्तामा फिल्मले १५ करोडमाथिको व्यापार गर्नेमा उनी विश्वस्त छन् ।
एक समय फिल्ममा आफूलाई व्यस्त राखेकी अभिनेत्री निशा अधिकारी विवाह बन्धनमा बाँधिएर आमा भएपछि करीब चार वर्ष अभिनयबाट टाढा बसिन् । छोरालाई स्कूल पठाउन थालेपछि भने उनले अभिनयमा सक्रियता बढाउन थालेकी छन् । कोरोना महामारीयता उनले दुई फिल्म ‘म’ र ‘जुलेवी’को छायांकन भ्याइसकेकी छन् भने चाँडै फिल्म ‘आँखा’मा काम गर्ने तयारीमा छिन् ।
अभिनेत्री मिरुना मगर र फुर्पा तामाङबीच मिलापत्र भएको छ । जेठ १५ गते सिभिल हलमा आफूमाथि दुर्व्यवहार गरेको भन्दै मिरुनाले तामाङलाई सार्वजनिक स्थानमा थप्पड हानेर प्रहरीको जिम्मा लगाएकी थिइन् । दुई दिन हिरासतमा विताएपछि मंगलवार छुटेका फुर्पाले गल्ती स्वीकार गर्दै माफी मागेपछि मिरुनाले भाई सम्झेर माफी दिएको दुई पक्षबाट जारी मिलापत्रमा उल्लेख छ ।
लभस्टोरी फिल्ममा जमेका अभिनेता हुन्, प्रदीप खड्का । उनको लुक्सले लभर ब्वाईंको भूमिका बढी म्याच गर्छ । दर्शकहरुले पनि उनलाई रोमान्टिक अवतारमा नै रुचाउने गरेका छन् । तर, प्रदीप भने आफूलाई एकैखाले भूमिकामा सीमित राख्न चाहँदैनन् । ‘रोज’मा आफ्नो कम्फर्ट जोनबाट बाहिर निस्किएका उनलाई अब फिल्म ‘प्रकाश’मा अहिलेसम्मकै फरक चरित्रमा देख्न पाइनेछ ।
गोर्खाहरूका लागि पहिलो पटक भिक्टोरिया क्रस प्राप्त गर्ने कुलवीर थापाको वास्तविक कथामा फिल्म ‘गोर्खा : बिनिथ द ब्रेभरी’ निर्माण भएको छ । इङ्गल्याण्ड र बेलायतमा सम्पूर्ण छायांकन भएको फिल्मको यतिबेला लन्डनमा पोस्ट प्रोडक्सनको काम भइरहेको निर्देशक प्रदीप शाहीले जानकारी दिए । फिल्मलाई आगामी साउन मध्यतिर प्रदर्शन गर्ने योजनामा निर्माण टिम छ ।
अभिनेत्री मिरुना मगरमाथि दुर्व्यवहार गरेको आरोपमा पक्राउ परेका फुर्वा तामाङ धरौटीमा रिहा भएका छन् । चौतर्फी रुपमा दबाब सिर्जना भएपछि काठमाडौं जिल्ला प्रशासन कार्यालयले उनलाई तीन हजार धरौटीमा छोड्ने आदेश दिएको हो । प्रशासनको आदेशमा बौद्ध भिक्षु तामाङलाई धरौटीमा रिहा गरिएको महानगरीय प्रहरी परिसरका एसपी दिनेशराज मैनालीले जानकारी दिए ।
