Nepal's No.1 Filmy Web Magazine
आगामी साउन ५ गतेबाट प्रदर्शनमा आउने तयारीमा रहेको फिल्म ‘लुङा’को ट्रेलर सार्वजनिक गरिएको छ । २ मिनेट लम्बाईको ट्रेलरमा भुवन सिंह राई र सारा लोहोरुङ राईबीचको प्रेममा आउने उतार-चढावलाई देखाइएको छ । कलाकार बुद्धि तामाङले भुवनको पिताको भूमिका निभाएका छन् । फिल्मले आदिवासी जनजाति समुदायको कथालाई उठाएको ट्रेलरबाट बुझ्न सकिन्छ ।
रक गायक तथा अभिनेता रविन तामाङको निधनको पाँच दिनपछि आइतबार अन्त्येष्टि गरिएको छ । दिउँसो साढे १२ बजे उनको तामाङ परम्पराअनुसार शोभा भगवतीमा अन्तिम संस्कार गरिएको हो । अन्त्येष्टिअघि अन्तिम श्रद्धाञ्जलीका लागि उनको पार्थिव शरीर नेपाल संगीत तथा नाट्य एकेडेमीमा राखिएको थियो । जहाँ मन्त्रीदेखि सर्वसाधारणसम्मले तामाङप्रति श्रद्धाञ्जली अर्पण गरे ।
मिस नेपाल पृष्ठभूमिकी नीति शाहले कुनै बेला अनगिन्ती फिल्मको प्रस्ताव नकारिन् । जब उनी फिल्ममा काम गर्न तयार भइन् तब सम्झौता गरेका फिल्म समेत बन्न सकेका छैनन् । उनको फिल्म सम्झौतामा ह्याट्रिक भैसकेको छ । ‘हुतुतु’ नीतिले सम्झौता गरेको पहिलो फिल्म थियो भने ‘एक्स ९’मा अघिल्लो वर्ष अनुबन्धित भएकी थिइन् । तर, यी दुईवटै फिल्मको निर्माण अन्योल बनेको छ ।
अघिल्लो वर्षको सुपरहिट फिल्म ‘दुई नम्बरी’को स्टारकास्टलाई लिएर फिल्म ‘हात्तीछाप’को छायांकन सुरु गरिएको छ । आइतबार बालकुमारीस्थित एक ग्यारेजमा क्यामेरा, स्क्रिप्ट र क्ल्याप पूजा गर्दै फिल्मको छायांकन थालिएको हो । ‘झ्यानाकुटी’ फेम्ड निर्देशक सिमोस सुनवारले निर्देशनको जिम्मेवारी सम्हालेको फिल्मको छायांकन १५ दिन काठमाडौं र १५ दिन पोखरा आसपासमा हुनेछ ।
अभिनेता टर्न निर्देशक सरोज खनालले फिल्म ‘बगान’ले नेपाली समाजको यथार्थ चित्रण गरेको बताएका छन् । फिल्मको प्रचारका लागि देश दौडाहामा रहेका उनले बुटवलमा सञ्चारकर्मीहरुसँग कुराकानी गर्दै समस्यासँग जुध्न र समाधानका लागि समाजलाई बाटो देखाउन फिल्मले भूमिका खेल्ने विश्वास व्यक्त गरे । फिल्मले एकल महिलाहरुको कथा बोल्ने निर्देशक खनालको भनाई छ ।
फिल्म ‘नाईं नभन्नू ल ३’बाट निर्देशनमा डेब्यू गरेका मुस्कान ढकालले फिल्म ‘समर लभ’ रिलिजको करिब चार वर्षपछि निर्देशनमा कमब्याक गर्ने भएका छन् । उनको निर्देशनमा फिल्म ‘पञ्चामृत’ बन्न लागेको हो । ठूलो क्यानभासमा निर्माणको तयारी भैरहेको फिल्ममा निर्देशक ढकालले कलाकारको लाइनअप बलियो बनाएका छन् । कलाकारले नै फिल्मलाई प्रतिक्षीत बनाउने देखिन्छ ।
