Nepal's No.1 Filmy Web Magazine
कयैन् विश्व प्रतिष्ठित फेस्टिभल तथा अवार्डमा आफ्नो वर्चस्व कायम गरेको सन् २०२३ को सफल फिल्म ‘ओपेनहाइमर’ले सर्वाधिक विधासहित ओस्कार अवार्डमा पनि बाजी मारेको छ । सोमबार बिहान लस एन्जिलिसको डल्बी थिएटरमा भएको अवार्ड समारोहमा फिल्मले ७ वटा विधामा अवार्ड जितेको हो । उत्कृष्ट फिल्मसहित उत्कृष्ट निर्देशकसम्मको अवार्ड फिल्मले आफ्नो पोल्टामा पार्यो ।
‘डायरी’ निर्देशक अनिल योञ्जनको कमब्याक फिल्म ‘रुमानी रङ्ग’को आगामी बैशाखबाट अष्ट्रेलियामा छायांकन गरिँदैछ । अभिनेत्री साम्राज्ञी राज्यलक्ष्मी शाह र अभिनेता धीरज मगरको मुख्य भूमिका रहने फिल्मका लागि विदेशी कलाकार पनि छनोट गरिने भएको छ । फिल्मको दोस्रो मुख्य अभिनेत्रीमा अष्ट्रेलियन नागरिक (महिला)को अडिसन हुने निर्देशक योञ्जनले जानकारी गराएका छन् ।
शुक्रबारबाट प्रदर्शनमा आएको फिल्म ‘रङ्गेली’मा अभिनेता आर्यन सिग्देलको केमियोबारे यसअघि नै खबर सार्वजनिक भइसकेको थियो । तर, उनको भूमिका र लुक्स गोप्य राखिएको थियो । फिल्म प्रदर्शन भएसँगै उनको लुक्सले दर्शकलाई ‘सरप्राइज’ बनाएको छ । उनी क्लाइमेक्समा खलपात्र (भिलेन)को खुंखार स्वरुपमा देखिएका छन् । सिक्वेलका लागि उनलाई फिल्ममा भित्राइएको हो ।
फिल्मको व्यापार दुई प्रकारको हुने गर्छ । पहिलो, ‘इनिसियल’ आक्रामक । विशेषगरी ‘स्टार’ कलाकार र सिक्वेल फिल्मको हकमा यो देखिन्छ । दोस्रो, ‘वर्ड अफ माउथ’ले बढाउने व्यापार । गत शुक्रबारबाट प्रदर्शनमा आएको एक्सन-थ्रीलर फिल्म ‘अगस्त्य’को व्यापार दोस्रो प्रकारमा पर्छ । यो फिल्ममा ‘स्टार’ कलाकार त छन् तर त्यसको प्रभाव इनिसियल व्यापारमा खासै देखिएको थिएन ।
चकलेटी अभिनेताको रुपमा चिनिएका प्रदीप खड्का आफूलाई ‘भर्सटायल’ बनाउने प्रयासमा छ । अघिल्लो वर्ष फिल्म ‘प्रकाश’मा उनले जुम्लेली चरित्रमा चुनौती मोलेका थिए । अब नयाँ फिल्म ‘पूजार सार्की’मा उनी दलित युवकको भूमिकामा प्रस्तुत हुँदैछन् । छायांकन सुरु हुनुभन्दा अगाडि निर्माण टिमले सार्वजनिक गरेको ‘फर्स्टलुक’ पोस्टरमा उनको चरित्रचित्रण रोचक देखिएको थियो ।
