Nepal's No.1 Filmy Web Magazine
महिलाले साडी लगाउनु सामान्य मानिन्छ । अहिले त विवाहित हुन् वा अविवाहित, साडी लगाउने ट्रेन्ड नै छ । तर, अभिनेत्री केकी अधिकारी केही दिनयता नवविवाहित दुलहीझैँ रातो साडी र पहेँलो पोतेमा सिंगारिएर मिडियामा प्रस्तुत भइरहेकी छन् । यसले भने धेरैलाई आश्चर्यमा पारेको छ । किनभने, कुनै विशेष कार्यक्रमबाहेक उनी साडीमा विरलै देखिन्छिन् । तर, यतिबेला उनी विवाहपछि माइत फर्किन लागेकी दुलहीझैँ रातो साडीमा अन्तर्वार्ता दिँदै हिँडिरहेकी छन् ।
नेपाली फिल्ममा ‘स्टार किड्स’को प्रवेश बढ्दो छ । अनमोल केसीदेखि सुहाना थापासम्मले माता-पिताको ‘पदचाप’ पछ्याइसकेका छन् । अब सुपरस्टार दीलिप रायमाझीकी छोरी दिव्या पनि फिल्ममा डेब्युको तयारीमा छिन् । उनले फिल्म ‘एक्टर’बाट अभिनय करिअर सुरु गर्न लागेकी हुन् । फिल्ममा उनको जोडी ‘युवा स्टार’ प्रदीप खड्कासँग बाँधिनेछ । उनी प्रदीपको ‘फ्यान’ समेत हुन् ।
नेपाली साहित्यमा अग्लो नाम बनाएका कवि उपेन्द्र सुब्बाले फिल्म ‘जारी’बाट निर्देशनमा पनि आफूलाई प्रमाणित गरे । निर्देशनको हिसाबले यो उनको पहिलो फिल्म भए पनि लेखनमा उनको सक्रियता डेढ दशकदेखि जारी छ । उनले ‘कबड्डी’ श्रृंखला, ‘त्यान्द्रो’, ‘फूलबारी’ जस्ता फिल्म लेखिसकेका छन् । उनको दोस्रो निर्देशकीय फिल्म ‘मनसरा’ भने यही बैशाख २१ गतेबाट प्रदर्शन हुँदैछ ।
सुपरस्टार दीलिप रायमाझीकी छोरी दिव्या रायमाझीले अभिनेत्रीको रुपमा डेब्यु गर्न लागेको फिल्म ‘एक्टर’को शुभ मुहूर्त गरिएको छ । मंगलबार बिहान कार्यविनायक मन्दिर भैंसीपाटी (ललितपुर)मा वैदिक विधिद्वारा हवन यज्ञ गर्दै फिल्मको मुहूर्त गरियो । त्यस अवसरमा दिव्यासहित फिल्मका मुख्य कलाकारहरु प्रदीप खड्का, आना शर्मा, दिव्यदेव, सुशील सिटौला लगायत उपस्थित थिए ।
सुपरस्टार थलापति विजयको भारतमा ठूलो क्रेज छ । उनका फिल्म रिलिज हुँदा हलमा उत्सवजस्तै देखिन्छ । यतिबेला तमिलनाडु र कर्नाटकसहित विदेशमा उनको २० वर्ष पुरानो फिल्म ‘घिल्ली’ पुनः प्रदर्शन गरिएको छ । उनको यो फिल्मले समेत व्यापारिक रेकर्ड बनाएको छ । पिंकभिल्लाको रिपोर्ट अनुसार, फिल्मले पहिलो दिन नै विश्वभरबाट ७ करोड ५० लाखको व्यापार गरेको छ ।
गत वर्ष अभिनेता धीरज मगर र अभिनेत्री उपासना सिंह ठकुरीका लागि सुखद् रहेन । धीरजको ‘ज्याकी’ र ‘एक भगवत् एक गीता’ असफल भए । उपासनाको भने ‘हात्तीछाप’ चलेन । यसैले दुवैलाई यतिबेला सफल फिल्म चाहिएको छ । र, उनीहरु पहिलोपटक फिल्म ‘खुस्मा’मा एकसाथ देखिँदैछन् । यो फिल्मको केही प्रतिशत छायांकन भइसकेको छ भने बाँकी यसै हप्ताबाट सुरु गरिँदैछ ।
- ‘राम नाम सत्य’को ट्रेलरमा विराज र सुशीलको टकराव
- काठमाडौंमा सुरू भयो ‘निफ’, भोलि संवाद गर्दै ‘शोले’ निर्देशक र हमाल
- सागरमाथि बलात्कारको आरोप लगाएकी युवती भन्छिन्, ‘दाइ भन्थेँ, राक्षस रहेछ’
- बलात्कारको आरोप लागेपछि ‘पाँच पाण्डव’बाट निकालिए ‘बले’
- विराजलाई प्रश्न- ‘नातिनी उमेरकी युवतीसँग रोमान्स गर्न कसरी मान्नुभयो ?’
