Nepal's No.1 Filmy Web Magazine

दीपक-दीपाको समूहबाट अलग भएपछि अभिनेता जितु नेपाल स्वतन्त्र रुपमा बाहिरी फिल्ममा काम गर्दै आइरहेका छन् । गत वर्ष उनी अभिनीत फिल्म ‘ह्यारी कि प्यारी’ रिलिज भएको थियो भने चाँडै फिल्म ‘कार्साङ’मा काम गर्दैछन् । अब उनको पाइपलाइनमा अर्को फिल्म थपिएको छ । निर्देशक बसन्त निरौलाको आगामी फिल्म ‘ज्वाइँ साब’मा उनी मुख्य भूमिकामा अनुबन्ध भएका छन् ।

यतिबेला नेपाली फिल्ममा एक्सनको ‘ट्रेन्ड’ देखिएको छ । धमाधम एक्सन कथावस्तुमा फिल्म बनिरहेका छन् । र, यस्ता फिल्मप्रति अभिनेत्रीहरुको समेत रुचि बढेको छ । रोमान्टिक र चुलबुले शैलीको भूमिकामा रुचाइएकी पूजा शर्मा पनि नयाँ फिल्म ‘दान्भी’मा एक्सन भूमिकामा प्रस्तुत हुँदैछिन् । करिब तीन महिना अगाडि सार्वजनिक भएको टिजरमा उनको छरितो एक्सन देखिएको थियो ।

प्रदीप शाहीको निर्देशनमा बन्न लागेको फिल्म ‘एक्लो’मा मुख्य कलाकारको ‘लाइनअप’ पूरा भएको छ । अभिनेता प्रदीप खड्का र अभिनेत्री बेनिशा हमालको जोडी बाँधिन लागेको फिल्ममा अभिनेता विजय लामा अघिल्लो साता अनुबन्ध भएका थिए । अब सुनिल थापा, एवन राज उप्रेती र कविता नेपालीको प्रवेश भएको छ । अभिनेत्री दीया पुनको पनि विशेष भूमिकामा रहने जनाइएको छ ।

मिस नेपालमा भाग लिएपछि नीति शाहलाई फिल्म प्रस्तावको कमी नै भएन । तर, जब फिल्ममा काम गर्ने निर्णय लिइन्, त्यसपछि भने डेब्यू गर्नै सकस भयो । उनले सम्झौता गरेका ४ वटा फिल्म बन्नै सकेनन् । पाँचौं फिल्मको रुपमा ‘खजुरे ब्रो’ सम्झौता गरेपछि भने उनको डेब्यूको सपना पूरा भयो । आगामी बैशाख २८ गतेबाट प्रदर्शन हुन लागेको यो फिल्म उनको अभिनयको परीक्षा हो ।

नयाँ वर्षको अवसर पारेर यही चैत ३० गतेदेखि प्रदर्शनमा आउने तयारीमा रहेको रामबाबु गुरुङ निर्देशित फिल्म ‘डिग्री माइला’ले कथावस्तुअनुसार गफाडी प्रतियोगिता घोषणा गरेको छ । गत हप्ता सार्वजनिक ट्रेलरमा अभिनेता दयाहाङ राई गफाडी पात्रको रुपमा प्रस्तुत थिए । त्यही पात्र बनेर आफ्नै बारेमा गफ दिएको बढीमा ३ मिनेटसम्मको भिडियो प्रतिस्पर्धाका लागि पठाउनुपर्नेछ ।