Nepal's No.1 Filmy Web Magazine
अभिनेता दीलिप रायमाझीकी छोरीको पहिचान बोकेर अमेरिकाबाट अभिनेत्री बन्न नेपाल फर्किएकी दिव्या रायमाझीलाई फिल्ममा भित्रन कुनै संघर्ष गर्नुपरेन । उनलाई लिन मेकरहरुबीच नै हानाथाप चल्यो । उनी अमेरिकामै हुँदा फिल्म ‘बरिष्ठ बलराम’मा काम गर्ने निश्चित भएको थियो । तर, यो फिल्म नबनेपछि उनी ‘एक्टर : टेक वान’मा जोडिइन् । र, यसपछि ‘पिताम्बर’मा काम गरिन् ।
तीन सुपरस्टारहरु दयाहाङ राई, सौगात मल्ल र प्रदीप खड्काको पहिलो सहकार्य रहेको फिल्म ‘पिताम्बर’को टिजर सार्वजनिक गरिएको छ । सोमबार काठमाडौंमा एक कार्यक्रमका बीच सार्वजनिक २ मिनेट लम्बाईको टिजर एक्सन प्रधान छ । कथावस्तुबारे टिजरले खुलासा नगरे पनि बदलाको कथामा फिल्म बनेको संकेत भने मिल्छ । टिजर हेर्दा फिल्मको मेकिङ उच्च देखिएको छ ।
अभिनेत्री सुरक्षा पन्तको मुख्य भूमिका रहेको फिल्म ‘खेल’ आगामी बैशाख १२ गतेबाट प्रदर्शनमा आउने भएको छ । आइतबार फर्स्टलुक पोस्टर सार्वजनिक गर्दै निर्माण कम्पनी सिरुपाते फिल्म्सले प्रदर्शन मिति घोषणा गरेको हो । उक्त मितिमा अर्को फिल्म ‘भूठान’ (द वर्ल्ड्स ह्याप्पिएस्ट म्यान) पनि प्रदर्शनमा आउँदैछ । अर्थात् बैशाख १२ गते दुई फिल्मबीच भिडन्त हुने भएको छ ।
