Nepal's No.1 Filmy Web Magazine
सत्यराज चौलागाईको निर्देशनमा बनेको फिल्म ‘विच्छेद’ले भारतमा अवार्ड जितेको छ । गत शनिबार मुम्बईको अँधेरीस्थित वेद कुनबा थिएटरमा आयोजना भएको ‘१४ औँ दादासाहेब फाल्के चित्रनगरी’मा फिल्मले सर्वोत्कृष्ट फिचर फिल्मको अवार्ड जितेको हो । फिल्मकी निर्मात्री सावित्री बज्राचार्यले अवार्ड ग्रहण गरेकी थिइन् । भारतीय फिल्मका पिता भनेर चिनिने दादासाहेब (धुन्डिराज गोविन्द फाल्के)को नामबाट यो अवार्ड प्रदान गरिन्छ ।
यस वर्षको सुरुवात नै नेपाली फिल्मका लागि उत्साहजनक देखिएको छ । नयाँ वर्षमा आएको फिल्म ‘डिग्री माइला’ले पहिलो साता राम्रो कमाई गर्यो । गत हप्तादेखि प्रदर्शन भएको ‘बोक्सीको घर’ले पनि आक्रामक व्यापार गरिरहेको छ । अब धेरैको अपेक्षा यही शुक्रबारदेखि प्रदर्शन हुन लागेको ‘मनसरा’प्रति छ । ‘जारी’ समूहको फिल्म भएकाले आक्रामक व्यापार गर्ने प्रक्षेपण गरिएको छ ।
आगामी जेठ १० गतेबाट प्रदर्शनमा आउने तयारीमा रहेको फिल्म ‘पूजार सार्की’को दोस्रो गीत ‘रिमै’ सार्वजनिक गरिएको छ । मंगलबार सार्वजनिक गीतमा दिनेश राउतको शब्द रचना र सुवास भुसालको संगीत छ भने देवेन्द्र बराल र मुना ठटालको युगल स्वर छ । गीतमा प्रस्तुत दृश्यहरुले फिल्मको कथासार बुझाएको छ ।
अभिनेत्री केकी अधिकारीको निर्माण तथा अभिनय गरेको फिल्म ‘बोक्सीको घर’ले अनपेक्षित ‘ओपनिङ’ गर्यो । पहिलो दिन नै ८० लाख व्यापार गरेको फिल्मले शनिबार थप उछाल कायम गर्यो । दोस्रो दिनको कलेक्सन डेढ करोड थियो । दुई दिनमा नै लगानी सुरक्षित गरेको फिल्मले आइतबारदेखि पनि व्यापारमा आफ्नो पकड गुमाएको छैन । हलमा दर्शकको चाप सन्तोषजनक देखिन्छ ।
निःसन्देह, दयाहाङ राई वर्तमान समयका नेपाली फिल्मका ठूला स्टार हुन् । कुनै बेला अभिनेता राजेश हमालको टाउको पोस्टरमा राखेकै भरमा फिल्म बिक्थ्यो भनेझैँ अहिले केही हदसम्म दयाहाङको हकको त्यो देखिन्छ । अघिल्लो वर्ष उनका फिल्मले पाएको सफलताले पनि त्यसलाई पुष्टि गर्छ । यद्यपि, उनका फिल्म ‘कन्टेन्ट’को बलमा चलेका हुन् भन्ने अर्को पक्षलाई पनि नकार्न मिल्दैन ।
