Nepal's No.1 Filmy Web Magazine
त्रिवि क्रिकेट मैदान कीर्तिपुरमा भएको नेपाल र वेष्टइण्डिजबीचको पाँच खेलमा शुक्रबारदेखि प्रदर्शनमा आएको फिल्म ‘मनसरा’ले पनि सहकार्य गरेको थियो । हरेक खेलमा उत्कृष्ट प्रदर्शन गर्ने खेलाडीलाई निर्माताले पुरस्कार प्रदान गरेका थिए । शनिबार भएको अन्तिम खेलमा भने फिल्मको टिमले भिन्न अभ्यास गर्यो । यसपटक खेलाडीलाई नभइ ग्राउन्ड स्टाफलाई पुरस्कार प्रदान गरियो ।
अभिनेत्री केकी अधिकारीको निर्माण तथा अभिनय रहेको फिल्म ‘बोक्सीको घर’ले यतिबेला बक्स अफिसमा आफ्नो दबदबा कायम गरेको छ । ‘मनसरा’ जस्तो ठूलो स्टारकास्ट भएको फिल्म प्रदर्शनमा आउँदा पनि फिल्मले आफ्नो पकड गुमाएको छैन । पहिलो हप्ता ६ करोडमाथिको कमाई गरेको फिल्मले दोस्रो हप्ताको शुक्रबार र शनिबार पनि ठूलो अंक जोड्यो । फिल्मको ‘लाइफटाइम कलेक्सन’ १० करोड पुग्ने प्रक्षेपण गरिएको छ ।
गायक तथा संगीतकार प्रकाश सपूतले अब फिल्म निर्देशन गर्ने भएका छन् । उनको डेब्यु निर्देशनमा बन्न लागेको फिल्म ‘वसन्त’को आइतबार काठमाडौंमा एक कार्यक्रमका बीच टिजर सार्वजनिक गर्दै निर्माण घोषणा गरियो । टिजरले फिल्मको कथासार बुझाएको छ । फिल्ममा प्रकाशको निर्देशनसँगै अभिनय, लेखन तथा संगीत पनि रहनेछ ।
एक समय समकालीन कलाकारहरुबीच फिल्ममा सहकार्यको ‘ट्रेन्ड’ थियो । शिव श्रेष्ठ, राजेश हमाल र भुवन केसी हुन् या निखिल उप्रेती र विराज भट्ट नै किन नहुन्, उनीहरुले एकसाथ फिल्ममा काम गरेका छन् । तर, अहिलेका ‘स्टार’ कलाकारहरु मिलेर काम गर्दैनन् भन्ने भाष्य बनिरहेको छ । यसलाई केही हदसम्म निर्देशक दिनेश राउतले फिल्म ‘पूजार सार्की’बाट चिर्ने प्रयत्न गरेका छन् ।
कवि उपेन्द्र सुब्बाको दोस्रो निर्देशकीय फिल्म ‘मनसरा’ले शुक्रबार पूर्वमा उत्कृष्ट व्यापार गर्यो । धरान, विराटनगर, इटहरी, दमक र विर्तामोड क्षेत्रका हलमा दर्शकको चाप उच्च थियो । तर, पूर्वबाहेक फिल्मको व्यापार अपेक्षाकृत हुन सकेको थिएन । शनिबार भने देशभर फिल्मको व्यापार बलियो देखिएको छ । काठमाडौंमा पनि शनिबार फिल्मप्रति दर्शकको क्रेज उत्साहजनक देखियो ।
