Nepal's No.1 Filmy Web Magazine
अभिनेता प्रदीप खड्का र सुन्दरी नीति शाहको फिल्ममा जोडी बाँधिएको हेर्ने दर्शकको ठूलो इच्छा छ । उनीहरुले दुई वर्षअघि डिमहोमको एक विज्ञापनमा एकसाथ काम गरेका थिए । त्यो विज्ञापन टिभीमा प्रशारण भएपछि यो जोडीको केमेस्ट्री दर्शकले निकै मन पराए । केही निर्माता तथा निर्देशकले फिल्ममा उनीहरुको जोडी बाँध्ने प्रयास पनि गरेका थिए । तर, त्यो सम्भव हुन सकेन ।
बलिउड अभिनेत्री शिल्पा शेट्टीका श्रीमान तथा चर्चित विजनेशम्यान राज कुन्द्रालाई मुम्बई क्राइम ब्राञ्चले सोमवार राती पक्राउ गरेको छ । अश्लील फिल्म बनाएको र केही एप्समा बेचेको आरोपमा उनलाई प्रहरीले पक्राउ गरेको हो । मुम्बई पुलिस कमिश्नर हेमन्त नागरालेका अनुसार, राज कुन्द्राको विरुद्ध यथेष्ट प्रमाण फेला गरेको छ । प्रहरीले उनीसहित ११ जनालाई पक्राउ गरेको छ ।
पाकिस्तानी अभिनेत्री सोमी अली कुनै समय अभिनेता सलमान खानकी गर्लफ्रेन्ड थिइन् । सलमानले उनका लागि अभिनेत्री संगीता बिजलानीलाई धोका दिएका थिए । तर, यो सम्बन्ध लामो समय टिकेन । सलमानसँग ब्रेकअप भएपछि सोमीले अभिनयसँगै भारत पनि छाडेकी थिइन् । अहिले उनी एक एनजीओ चलाएर बसेकी छन्, जसले घरेलू हिंसा र बाल शोषण पीडितको मद्दत गर्ने गर्छ ।
कुनै बेला नेपाली फिल्ममा भविष्य खोज्नु मुर्खता मानिन्थ्यो । फिल्ममा काम गरेर पेट पाल्न पनि सकिन्न भन्ने गरिन्थ्यो । तर, आज समय बदलिएको छ । फिल्ममा काम गरेरै कलाकारहरुले नामसँगै मनग्य दाम कमाइरहेका छन् । कतिले फिल्मकै कमाईले घरबारी जोडेका छन् भने कति महंगो गाडी हुइकिने गरेका छन् । फिल्ममा चलेका कलाकारको अहिले जीवनशैली फेरिएको छ ।
कोरोनाका कारण सबैभन्दा प्रभावित क्षेत्र हो, फिल्म क्षेत्र । गत वर्ष कोरोना संक्रमण फैलिन नदिन सरकारले लकडाउनभन्दा अगावै फिल्म निर्माण र प्रदर्शनमा अनिश्चितकालका लागि रोक लगाएको थियो । त्यसको ९ महिनापछि फिल्म क्षेत्र पुनः सञ्चालनमा आयो । बीचमा केही फिल्म निर्माण र प्रदर्शन भए । तर, फिल्म क्षेत्र चलायमान हुन नपाउँदै फेरि कोरोना महामारी फैलियो ।
कबीर खानको निर्देशनमा बनेको सुपरहिट फिल्म ‘बजरंगी भाइजान’ रिलिजको आइतवारबाट ६ वर्ष पूरा भएको छ । यो फिल्ममा सलमान खान, करीना कपूर, हर्षाली मल्होत्रा र नवाजुद्दीन सिद्दीकीले मुख्य भूमिकामा काम गरेका थिए । फिल्मका लेखक केवी विजेन्द्र प्रसादले आइतवार पिंकविलासँग कुराकानी गर्दै अहिले आफूले सिक्वेलका लागि स्क्रिप्टमा काम गरिरहेको बताएका छन् ।
