Nepal's No.1 Filmy Web Magazine
निर्देशक नवल नेपाल नारी संवेदनामाथि फिल्म बनाउन नामी मानिन्छन् । ‘श्रीमान, मंगलम, मारुनी’ फिल्ममा उनको निर्देशकिय क्षमताको निकै प्रशंसा भएको थियो । गत वर्ष उनी एक नयाँ फिल्म निर्देशन गर्ने तयारीमा थिए । तर, कोरोना महामारीका कारण उनले फिल्म सुरु गर्ने आँट गरेका छैनन् । बरु, गत वर्षको लकडाउनपछि उनले ‘दिल चुप छ’ नामक सिरिजको निर्देशन गरे ।
किस्ताबन्दीको कोरोना महामारीले फिल्म क्षेत्र विगत डेढ वर्षदेखि कोमामा छ । गत वर्ष कोरोनाका कारण ९ महिना बन्द भएको फिल्म क्षेत्र लकडाउनपछि केही चलायमान भएको थियो । तर, फेरि कोरोनाको दोस्रो लहर फैलिएपछि फिल्म निर्माण र प्रदर्शन ठप्प भयो । तीन महिना लामो निषेधाज्ञा खुकुलो भएसँगै अहिले विभिन्न क्षेत्र खुल्न थालेका छन् । तर, फिल्म क्षेत्र बन्दको बन्दै छ ।
फिल्म निदेशक दीवाकर भट्टराई र अभिनेत्री दीपिका प्रसाईंले धनगढीमा श्री कलेक्सन प्रिमियम बुटिकको उद्घाटन गरेका छन् । शनिवार यो जोडीले संयुक्त रुपमा रिबन काटेर बुटिकको उद्घाटन गरेको हो । आफ्नो जन्मिएको ठाउँमा ठूलो लगानीमा बुटिक खुलेको दीपिकाले खुसी व्यक्त गरिन् । अचेल बुटिकका डिजाइनेबल कपडाहरु सबैको रोजाइमा पर्न थालेको उनले बताइन् ।
पोर्न फिल्म निर्माण गरेर विदेशका एप्सहरुमा बेचेको आरोपमा अभिनेत्री शिल्पा शेट्टीका श्रीमान तथा विजनेशम्यान राज कुन्द्रालाई प्रहरीले पक्राउ गरेको छ । अदालतले उनलाई २७ जुलाईसम्म थुनामा राखेर अनुसन्धान गर्न आदेश दिएको छ । शुक्रवार क्राइम ब्रान्चको टिम राजलाई लिएर उनको घर गएको थियो, जहाँ शिल्पा र राजलाई आमने-सामने राखेर सोधपुछ गरिएको थियो ।
हलिउड सुपरस्टार ड्वेन जोनसन ‘द रक’ ले अब ‘फास्ट एन्ड फ्यूरियस’ फिल्मको कुनै सिरिजमा काम नगर्ने घोषणा गरेका छन् । सन् २०११ देखि उनी यो सिरिजको हिस्सा थिए । सन् २०१७ मा अभिनेता विन डिजलसँग झगडा भएपछि उनले यो फिल्मको सिरिजमा काम नगर्ने निर्णय गरेका हुन् । विनसँगको झगडाकै कारण ड्वेन जोनसनले ‘फास्ट एन्ड फ्युरियस ९’ मा काम गरेनन् ।
बलिउडका चकलेटी अभिनेता कार्तिक आर्यनले नयाँ फिल्म ‘क्याप्टेन इन्डिया’ मा पाइलटको भूमिका निर्वाह गर्ने भएका छन् । शुक्रवार निर्माण टिमले फिल्मको फस्टलुक पोस्टर सार्वजनिक गरेको छ, जसमा कार्तिकलाई पाइलटको पोषाकमा देख्न सकिन्छ । हंसल मेहताको निर्देशनमा बन्न लागेको फिल्मले युद्धको समयमा भारतलाई बचाउन सफल एक मिशनको कथा वाचन गर्नेछ ।
