Nepal's No.1 Filmy Web Magazine

निर्देशक शोभित बस्नेतले नयाँ फिल्म ‘हाम्रो स्वर्ग’को छायांकन सुरु गरेका छन् । शुक्रवार जुम्ला जिल्लाको पटमारा गाउँबाट फिल्मको छायांकन सुरु भएको हो । निर्देशक बस्नेतले फिल्ममा मुख्य भूमिकामा नयाँ अनुहारलाई लिएका छन् । मेनुका माझी, नबदत्त न्यौपाने, सुइन्जा सुनाम, शान्ता दाहाल, लाल बहादुर रोकाया, ललित जङ्ग महतलगायतको फिल्ममा अभिनय रहनेछ ।

निर्माणको तयारीमा रहेको फिल्म ‘के घर के डेरा’मा अभिनेत्री सुरक्षा पन्तको प्रवेश भएको छ । उनीसँग शुक्रवार निर्माण टिमले कागजी सम्झौता गरेको हो । उनी फिल्ममा कसैको ठाउँमा भित्रिएकी भने होइनन् । निर्देशक र निर्माता हेरफेर भएसँगै कथावस्तुमा पनि केही परिवर्तन गरिएपछि निर्माण पक्षले मुख्य भूमिकामा एक कलाकार बढाउँदै सुरक्षालाई अनुबन्ध गरेको हो । 

विभिन्न कारणले अभिनेता सलमान खानको नयाँ फिल्म ‘कभी ईद कभी दिवाली’ चर्चामा छ । पहिला यो फिल्मलाई निर्माता साजिद नाडियाडवालाले निर्माण गर्दै थिए । तर, अब सलमानको प्रोडक्सन हाउसले फिल्मको निर्माण गर्ने भएको छ । ‘हाउसफुल ४’का निर्देशक फरहाद सामजीले निर्देशन गर्ने फिल्ममा सलमानले कलाकार पनि हेरफेर गरेको बलिउड हंगामाले उल्लेख गरेको छ । 

स्थानीय निर्वाचन नजिकिँएसँगै राजनीति दलहरु वडा, नगरपालिका, महानगर र उपमहानगरमा उम्मेदवारको नाम टुंगो लगाउन जुटेका छन् । विभिन्न राजनीति दलमा आबद्ध कलाकारहरु पनि टिकट पाउनका लागि दौडधुप गरिरहेका छन् । यसैक्रममा, राष्ट्रिय प्रजातन्त्र पार्टीले काठमाडौं महानगरपालिकाको मेयर पदमा कलाकार मदनदास श्रेष्ठलाई उठाउने तयारी गरेको छ । 

फिल्म ‘टिस्टा पारीको साइनो’बाट निर्देशनमा राम्रो सम्भावना देखाएका खिलबहादुर गुरुङ निर्देशित नयाँ फिल्म ‘मन्त्र’ बैशाख १६ गतेबाट प्रदर्शनमा आउँदैछ । ५१०० मिटरभन्दा माथिको उचाइँमा रहेको मनास्लु हिमालको बेसक्याम्पमा छायांकन भएको फिल्मले दर्शकलाई फरक प्रेमकथाको आभास दिलाउने निर्देशक गुरुङको दाबी छ । उनी फिल्मलाई अर्गानिक भन्न रुचाउँछन् । 

चकलेटी नायकहरुको भीडमा अब्बल अभिनय गर्ने कलाकारको दर्जामा आउने नाम हो, कार्म शाक्य । हरेक प्रकारको भूमिकामा जीवन्त उत्रन सक्ने खुबी भएका उनले फिल्म ‘सानो संसार’बाट अभिनय करिअर सुरु गरेका थिए । त्यसयता तीन दर्जनभन्दा बढी फिल्ममा आफ्नो अभिनय कौशल प्रस्तुत गरिसकेका उनलाई दर्शकहरुले विशेषगरी चकलेटी भूमिकामा रुचाउने गरेका छन् ।