Nepal's No.1 Filmy Web Magazine
अभिनेता पल शाहले जबर्जस्ती करणी गरेको भन्दै गत फागुन १५ गते नवलपरासीस्थित प्रहरी कार्यालयमा जाहेरी दिएकी नाबालिग गायिकाले तनहुँ जिल्ला अदालतपछि नवलपरासी जिल्ला अदालतमा पनि बयान फेरेकी छन् । बुधवार नवलपरासी जिल्ला अदालतमा उपस्थित भएर बकपत्र गर्ने क्रममा उनले आफूमाथि जबर्जस्ती करणी नभएको र पल शाह निर्दोष रहेको बयान दिएकी हुन् ।
अभिनेता महेश त्रिपाठी बुधवारबाट अमेरिकामा सुरु भएको ‘वर्ल्ड फेस्ट ह्युस्टन फिल्म फेस्टिभल’मा फिल्म ‘हल्कारा’बाट उत्कृष्ट अभिनेताको मनोनयनमा पर्न सफल भएका छन् । फेस्टिभलले सामाजिक सञ्जालमा सार्वजनिक गरेको सूचना अनुसार, महेशले फेस्टिभलमा उत्कृष्ट अभिनेताको विधामा अमेरिकी अभिनेता बेन गेविन र बेलायती अभिनेता ओलिवर लीसँग प्रतिस्पर्धा गर्नेछन् ।
नाफा-घाटा जे भएपनि निरन्तर फिल्म निर्माण गर्दै आएका निर्माता हुन्, अर्जुन कुमार । फिल्म ‘चपली हाइट’बाट बोरामा पैसा घर लगेका उनले यो फिल्मको सिरिजबाहेक ‘फिटकिरी’ र ‘फाटेको जुत्ता’को पनि निर्माण गरिसकेका छन् । अब उनी नयाँ फिल्म निर्माणको तयारीमा जुटेका छन् । आफैंले निर्देशन गर्ने भनेर उनले लकडाउनको समयमा फिल्म ‘गोरे सार्की’ घोषणा गरेका थिए ।
कुनै बेला नेपाली फिल्मलाई बलिउड र हलिउड फिल्मको ठूलो त्रास थियो । त्यो अझै पनि कायम छ । तर, केही वर्षयता साउथ फिल्मले समेत नेपाली फिल्मलाई लखेटिरहेको छ । नेपालमा साउथ फिल्मको बढ्दो क्रेज र सस्तोमा राइट्स पाइने भएकाले नेपालमा साउथको हिन्दी डब खुल्लम खुल्ला भित्रिरहेका छन् । जसले गर्दा नेपाली फिल्मको रिलिज र व्यापार चौपट बनेको छ ।
अभिनेता पल शाहलाई जबर्जस्ती करणीको आरोपमा तनहुँ र नवलपरासी प्रहरीमा जाहेरी दिने नाबालिगका बुबाले पनि अदालतमा बयान फेरेका छन् । आफ्नी नाबालिग छोरीलाई शाहले विभिन्न प्रलोभन देखाई विभिन्न ठाउँमा पटक-पटक जबर्जस्ती करणी गरेको भन्दै जाहेरी दिएका नाबालिगका बुबाले मंगलवार जिल्ला अदालत तनहुँमा उपस्थित भएर बकपत्र गर्ने क्रममा बयान फेरेका हुन् ।
साउथ स्टार यश अभिनीत फिल्म ‘केजीएफ २’ले बक्सअफिसमा कमाईको रफ्तारलाई कम हुन दिएको छैन । विश्वभर आक्रामक कमाई गरिरहेको फिल्मले बलिउडका ‘ए लिस्टर’ फिल्मको कलेक्सनलाई समेत पछाडि पारेको छ । फिल्मले हिन्दी भर्सनमा प्रदर्शनको ५ दिनमा २ सय १९ करोड ५६ लाखको कमाई गरेको छ । फिल्मले पहिलो दिन मात्रै ५३ करोड कमाएको थियो ।
